Dhimbje qafe? Qëndrimi i dobët mund ta shkaktojë atë, por mund të mos jetë arsyeja e vetme pse, sugjeron studimi i ri.

Stili i jetesës është një fajtor kryesor – veçanërisht periudha të gjata kohore të kaluara të ulur mbi pajisjet e dorës ose duke punuar në kompjuter. Kështu që një ekip në Universitetin A&M të Teksasit vendosi të mësonte se sa rol luajnë  këta faktor  në dhimbjen e qafës.

Studiuesit kryen një seri eksperimentesh në të cilat 20 burra dhe 20 gra pa probleme të mëparshme të lidhura me qafën bënë ushtrime të kontrolluara të qafës dhe kokës derisa të ishin shumë të lodhur për të vazhduar. Kjo është e ngjashme me atë që mund të ndodhë në vendin e punës.

Siç pritej, studiuesit zbuluan se faktorët e lidhur me punën dhe sjelljen, luanin një rol të rëndësishëm në përcaktimin e forcës dhe qëndrueshmërisë së qafës.

Por ndërsa ata nuk gjetën ndonjë ndryshim të rëndësishëm midis qëndrueshmërisë së qafës së burrave dhe grave, indeksi i masës trupore (BMI) ishte një parashikues i rëndësishëm. BMI është një vlerësim i dhjamit trupor bazuar në gjatësinë dhe peshën.

Për habinë e tyre, periudha gjatë ditës gjithashtu ndikoi në atë se sa qafa vazhdonte ushtrimin pa u lodhur.

“Është intuitive të mendosh se gjatë ditës, qafa lodhet më shumë pasi e përdorim më shumë”, tha studiuesi kryesor Xudong Zhang, një profesor i inxhinierisë industriale dhe të sistemeve.

“Por afërsisht gjysma e pjesëmarrësve tanë u testuan njëherë në mëngjes dhe pastaj në pasdite. Gjithashtu, disa nga pjesëmarrësit kishin punë ditore dhe disa punonin në turnin e natës. Pavarësisht kësaj, ne vazhdimisht gjetëm efektin e ditës në dhimbjen e qafës “.

Zhang vuri në dukje se dhimbja e qafës është ndër shkaqet e aftësisë së kufizuar me rritjen më të shpejtë. Është shkaku i katërt kryesor i aftësisë së kufizuar në të gjithë botën, sipas Institutit për Matjet dhe Vlerësimin e Shëndetit.

“Studimi ynë ka treguar për një kombinim të faktorëve të punës dhe atyre personalë që ndikojnë fuqimisht në forcën dhe qëndrueshmërinë e qafës me kalimin e kohës,” tha Zhang në një njoftim për shtyp të universitetit.

“Më e rëndësishmja, pasi që këta faktorë janë identifikuar, ata mund të modifikohen në mënyrë që qafa të jetë me shëndet më të mirë dhe dhimbja të shmanget ose të parandalohet.”

Zhang tha se studiuesit mund të kenë të dhëna për të filluar vlerësimin nëse pacientët që rikuperohen nga dëmtimet e qafës janë gati të kthehen në punë bazuar në faktin nëse forca dhe qëndrueshmëria e qafës janë në nivele normale.

Ai tha se inxhinierët dhe dizenjuesit mund të përdorin gjithashtu të dhënat për të hartuar pajisje që vishen, si helmetat, që janë më pak stresuese në qafë.

Gjetjet u botuan së fundmi në internet në revistën Human Factors.