Ekipi në xhirimet e filmit “Rust” “shkel me dashje” rregullat e sigurisë dhe “demonstroi indiferencë të thjeshtë ndaj sigurisë së punonjësve” që çoi në vdekjen e kineastes Halyna Hutchins, sipas një raporti të publikuar të mërkurën nga Departamenti i Mjedisit në New Mexico.

Procedurat e sigurisë së armëve nuk u ndoqën në xhirime, ekipi drejtues i filmit e dinte këtë dhe nuk arriti ta korrigjonte , thuhet në raport.

Rust Movie Productions, LLC u gjobit me afro 137,000 dollarë maksimumi i lejuar nga ligji i New Mexico.

“Hetimi ynë zbuloi se ky incident tragjik nuk do të kishte ndodhur kurrë nëse Rust Movie Productions, LLC do të kishte ndjekur standardet kombëtare të industrisë së filmit për sigurinë e armëve të zjarrit,” tha sekretari i kabinetit të mjedisit, James Kenney. “Ky është një dështim i plotë i punëdhënësit për të ndjekur protokollet e njohura kombëtare që i mbajnë punonjësit të sigurt.”

Lista e shkeljeve të zbuluara “vazhdon dhe vazhdon”, tha Kenney në një intervistë të mëvonshme me CNN.Kreu i agjencisë kritikoi ashpër menaxhimin e prodhimit Rust për dështimin e raportuar për respektimin e rregulloreve të sigurisë që ata pretenduan se ishin në fuqi.Dokumentet e vetë filmit treguan se prodhimi do të ndiqte standardet e industrisë në lidhje me sigurinë e armëve të zjarrit, por ekipi i prodhimit “dështoi t’i përmbahej këtyre udhëzimeve në xhirime”, thuhet në një njoftim nga OSHB.