Pacientët me diabet mund të fitojnë deri në 10 vite jetë shtesë duke përmirësuar vlerat e 4 parametrave: sheqerit në gjak, yndyrës trupore, presionit të gjakut dhe kolesterolit. Në veçanti, ulja progresive vetëm e indeksit të masës trupore ose peshës, shoqërohet me një rritje gati 4-vjeçare të jetëgjatësisë.

Këtë e tregon një studim i publikuar në JAMA Network Open, i kryer nga studiues nga Universiteti i Floridës, Gainesville.
Studimi, i udhëhequr nga Hamed Kianmehr, përfshiu 421 persona me diabet 2 me një moshë mesatare 65.6 vjeç. Personat që në fillim të studimit kishin nivelet më të larta të hemoglobinës glicemike, që ishte në gjendje të ktheheshin në normalitet , u bënë 3.8 vjet më shumë.

Ndikimi i uljes së peshës ishte i ngjashëm: ata që, duke filluar nga një indeks i masës trupore prej 41, i barabartë me obezitetin e rëndë, arritën në 24, fituan 3.9 vjet jetëgjatësi. Krahasuar me ata me vlerat më të larta të presionit të gjakut, ata me nivele më të ulëta (114 mmHg) kishin 1.9 vite jetë më shumë. Rezultatet janë më të nuancuara për uljen e kolesterolit: krahasuar me ata që kishin vlerat më të larta, ata me nivele mesatare prej 59 mg/dL, kishin një rritje prej gati një viti.
Kontrolli më i mirë i këtyre biomarkerëve në përgjithësi, shpjegojnë studiuesit, mund të rrisë jetëgjatësinë me 3 vjet në një person mesatar me diabet.

Por, për ata që fillojnë nga vlera shumë të larta, avantazhi mund të shkojë deri në 10 vjet dhe pacientët më të rinj priren të kenë përfitime më të mëdha.
Këto rezultate, shpjegon Angelo Avogaro, presidenti i zgjedhur i Shoqatës Italiane të Diabetit (Sid), tregojnë se normalizimi i njëkohshëm i peshës, kontrollit të glicemisë, presionit të gjakut dhe kolesterolit ka një ndikim të madh në jetëgjatësinë e personave me diabet. Këto rezultate janë jashtëzakonisht të rëndësishme për sa i përket shëndetit publik dhe parandalimit kardiovaskular dhe mund të përdoren nga mjekët për të motivuar pacientët për t’i arritur ato dhe për të matur përfitimet e mundshme.