William dhe Kate e kanë zgjedhur shtëpinë e re. Ata do të transferohen në Adelaide Cottage, një shtëpi me katër dhoma gjumë dhe pa staf rezident brenda saj.

Çifti ka vendosur të jetë më pranë gjyshes mbretëreshë.

Ingrid Seward, kryeredaktore e Magazine Majesty, tha: “Mbretëresha ka nevojë për më shumë njerëz si William rreth saj. Ajo është shumë shpesh e vetme, përveç stafit dhe kështu do të jetë e kënaqur që William, Kate dhe tre stërnipërit e saj do të jenë dhjetë minuta larg. Në Pallatin Kensington, familjes i duhej të merrte makinën për të takuar stërgjyshen gjatë fundjavave.

Tani që mbretëresha ka edhe vështirësi në lëvizshmëri, ka nevojë për njerëz afër. Kate ka gjetur aty afër edhe një shkollë të re për fëmijët e saj.

Të dy bashkë kanë vendosur të mos bëjnë asnjë rinovim në shtëpi, për të mos rënduar më shumë në xhepin e taksapaguesve britanikë, sidomos në një kohë krize. Shtëpia është ndërtuar në 1831-shin dhe ka pësuar disa ndryshime rinovimi që nga ajo kohë.