Numrat e telefonit të 3 milionë shqiptarëve janë publikuar përmes një databaze në internet, ku shiteshin online për 4 mijë dollarë. Skandali i numrave, vjen disa muaj pas rrjedhjes së pagave dhe të dhënave personale të afro 900 mijë shqiptarëve.

Eksperti Besmir Semanaj i ftuar në Abc News, u shpreh se numrat e telefonit mund të përdoren nga keqbërës siç janë edhe kriminelët. Kryesisht mosha e tretë dhe fëmijët janë grupet më të targetuara, pasi mund të bien pre e mashtrimeve më lehtë.

Sipas ekspertit, kriminelët mund ta përdorin një numër për të klonuar identitetin.

“Pasuria më e madhe në kohën dixhitale janë të dhënat.

Më erdhi shumë keq që çmimi për kaq të dhëna ishte i lirë. Mund të përdoren për marketing online dhe shitje online.

Pjesa tjetër është përdorimi I këtyre të dhënave nga keqpërdoruesit. Janë mesazhe shantazhe që x video e jotja është regjistruar këtu, klikoni këtu dhe kur klikoni hyn virusi në telefonin tuaj. Po flasim për nr të telefonit të moshës së tretë dhe numrat e telefonit të fëmijëve tanë. Këto mund të bien pre..

Keqbërësit mund të bëjnë targetime të shumta të sakta, sepse krahas numri është emri, gjinia dhe mosha.

Ekstremi është pjesa e vjedhjes së identitetit të dhënat mund të kryqëzohen me të dhëna të tjera që kanë dalë.

Krimineli mund të hape një llogari në kripto. Një kriminel mund të klonojë identitetin”, tha eksperti.