Kit Harington do të riprodhojë rolin – e serialit ende pa emër nw HBO – duke e zgjeruar potencialisht botën e George RR Martin përtej materialit burimor.

Një vazhdim spin-off i Game of Thrones me qendër Jon Snow është në zhvillim të hershëm në HBO, me aktorin Kit Harington që do të kthehet në rolin e tij.

E konfirmuar për herë të parë sot nga ‘Hollywood Reporter’, shfaqja e paidentifikuar deri më tani do të zhvillohet pas ngjarjeve të “Game of Thrones”, e cila u shfaq për gati një dekadë midis viteve 2011 dhe 2019 dhe u bë një nga serialet më të mëdha televizive të të gjitha kohërave.

I vendosur në botën e librave fantazi të George RR Martin, shfaqja e re është e para nga ‘spin-off-et’ e shpallura më pas të “Game of Thrones” që do të jetë një vazhdim dhe një shenjë që HBO do ta zgjerojë botën e Martinit përtej materialit burimor, duke rihapur atë që mendohej më parë se mund tw ishte fundi i sagws.

Martin nuk ka përfunduar ende shkrimin e librave, dhme fansat që kanë pritur 11 vjet deri më tani për të gjashtën nga shtatë librat. Përshtatja e HBO përfundoi me Snow, që më parë mendohej se ishte djali bastard i Ned Stark, duke kuptuar se ai mund të ishte një trashëgimtar i fronit të hekurt. Në skenat e fundit, Snow shkoi në mërgim nga Westeros për të filluar një jetë të re.

Deri më tani është e pakonfirmuar nëse ato pak fytyra të njohura që jetonin ende në fundin famëkeq e të tmerrshëm të serialit– si gjysmëvëllezërit e tij Arya Stark (Maisie Williams) dhe Sansa Stark (Sophie Turner) – mund të shfaqen në shfaqje.

Spin-off i ardhshëm i HBO “House of the Dragon”, i vendosur 200 vjet përpara “Game of Thrones”, do të fillojë më 21 gusht. Spin-off të tjera të konfirmuara më parë nga HBO përfshijnë “Tales of Dunk and Egg”, “10,000 Ships” dhe “Nine Voyages”, të cilat janë të gjitha paraprirje.

Harington u nominua për dy çmime Emmy për performancën e tij si Jon Snow. HBO nuk ka pranuar të komentojë lidhur me këtë lajm dhe as përfaqësuesit e Kit Harington.