Mix
Jennifer Lopez rrëfen marrëdhënien e ndërlikuar me të ëmën
Në dokumentarin “Halftime” në Netflix, Jennifer Lopez tregoi më shumë mbi të raportin e saj me të ëmën.
“Ajo bëri çfarë duhej të bënte për të mbijetuar dhe kjo e bëri më të fortë, por edhe më të ashpër. Ajo na ka rrahur”, – u shpreh J. Lo, e më pas shtoi, – “kam qenë e rrethuar me gra të forta. Mamaja ime është një grua super e ndërlikuar dhe ka kaluar shumë. Ajo donte që ne të ishim të pavarura dhe mos të vareshim nga një burrë”.
GETTY IMAGES
Jennifer është larguar nga shtëpia në moshën 18-vjeçare, pas konflikteve të shumta me të ëmën, e cila kishte primar edukimin. J. Lo donte të ndiqte ëndrrën e saj për t’u bërë aktore.
Ylli i “Marry Me” tregoi se e ëma i kishte thënë se nëse donte të jetonte në shtëpinë e saj, duhet të edukohej. “Një natë, ne u grindëm keq dhe unë thjesht u largova”, – tha Lopez.
Por nga ana tjetër, e ëma e saj, Guardalupe Lopez e ka pranuar faktin që nuk ka qenë një nënë e përkryer, por kishte pritshmëri të larta për fëmijët e saj. Synimi nuk ishte për t’i kritikuar, por për t’i përmirësuar.
Sot, Jennifer dhe e ëma kanë një marrëdhënie të qetë dhe të ngrohtë me njëra-tjetrën.