Thonjtë “glazed donut” janë zyrtarisht manikyri më trendy i verës 2022.

Kur Hailey Bieber tregoi manikyrin e saj të shkëlqyeshëm transparent në Met Gala 2022, fansat u fiksuan dhe nisën përpjekjet e tyre për të rikrijuar thonjtë neutralë.

Së fundmi, edhe Vanessa Hudgens i është bashkuar trendit dhe ka treguar versionin e saj, nga e njëjta artiste e thonjve.

Artistja e thonjve të yjeve, Zolzaya Ganzorigt, zbuloi produktet e sakta që përdori për të krijuar thonjtë e Hailey dhe të gjithë janë përpjekur të imitojnë këta thonj që atëherë, me më shumë se 7.4 miliardë shikime në TikTok kushtuar trendit tashmë viral.

Ganzorigt tha për Page Six Style se Hailey kishte një manikyr të tejdukshëm, sepse ajo i përdori vetëm një shtresë të ngjyrës, ndërsa te Vanessa përdori saktësisht të njëjtën ngjyrë, por dy shtresa, duke i dhënë një pamje si perlë.

Zola tha se ishte me të vërtetë e befasuar që trendi u bë viral pas Met Gala. Ajo tregoi se para ngjarjes, e gjeti ngjyrën e kromit teksa bënte pazar dhe vendosi ta përdorte në minutën e fundit pasi pa fustanin e bardhë saten të Bieber, nga Saint Laurent.

Me pak fjalë, thuajini lamtumirë artit ekstravagant të thonjve dhe atij french, sepse kromi duket se do qëndrojë gjatë.