Walter Zappalà, 23 vjeç nga Catania, është shpallur “Mister Italia” 2022. Me një diplomë trevjeçare në shkenca politike, Walter kishte edhe disa hobe si noti, futbolli dhe xhudo. Juria e kryesuar nga Nathalie Caldonazzo kurorëzoi mbrëmjen e djeshme në Pescara njeriun më të bukur të Italisë. Për të kurorëzuar “Mister Italia” ishte edhe një ish-fitues i kompeticionit, Luca Onestini, i cili së bashku me Jo Squillo drejtuan finalen. Walter u shpreh ndërkaq se:

“Më duhet ende të kuptoj se çfarë ndodhi. Dedikimi i parë i shkon padyshim familjes sime. Këtu me mua në Pescara është babai im Lanfranco, por telefonata e parë erdhi nga shtëpia, me nënën time Anën dhe motrën Ginevra, që u përlotën nga gëzimi.”

38 djem mbërritën në natën finale të konkursit më të rëndësishëm të bukurisë mashkullore në Itali. Përveç titullit “Mister Italia 2022”, u dhanë edhe disa çmime të tjera. Rikujtojmë, se Harnaaz Sandhu, e cila u kurorëzua “Miss Universe 2021”, zbuloi se njerëzit e kanë bullizuar në internet për shkak se ka shtuar peshë. Modelja 22-vjeçarja nga India tha për “People” së fundmi se:

“Fizikisht jam rritur disi, kam marrë më shumë kilogramë dhe kam shtuar peshën time, gjë për të cilën jam plotësisht rehat tani. Por unë u bullizova për shtimin në peshë.”