Alain Aspect, John F. Clauser dhe Anton Zeilinger kanë fituar çmimin Nobel në fizikë, për arritjet e tyre në mekanikën kuantike. Puna e tyre ‘ka hedhur themelet për një epokë të re të teknologjisë kuantike’, tha Akademia Mbretërore Suedeze e Shkencave.

Ditën e djeshme fitoi çmimin Nobel për mjekësi, Svante Paabo, për zbulimin e sekreteve të ADN-së së Neandertalit.

Të mërkurën do të vazhdohet me çmimin Nobel për kiminë dhe të enjten për letërsinë. Çmimi Nobel i Paqes 2022 do të shpallet të premten dhe çmimi i ekonomisë më 10 tetor.