Lidhu me ne

Letersi

4 mësimet e vyera për jetën, që më mësoi libri “Baba i pasur, baba i varfër”

Rich Dad Poor Dad Summary (Review & Book Notes)

Nga Brianna Bussell

“Baba i pasur, baba i varfër”, është një libër që duhet lexuar nga cilido që dëshiron të krijojë pasuri jo vetëm për veten, por edhe për familjen e tij. Çdo argument i trajtuar në këtë libër,është pjesë e një plani më të madh për arritjen e lirisë financiare brenda jetës suaj. Ja cilat janë 4 leksionet që ne mendojmë se duhet të ndjekin të gjithë njerëzit.

1. Të mësosh që fëmijë rëndësinë e parave

Shumë prindër i lënë fëmijët e tyre të mësojnë mbi jetën pas dështimeve që përjetojnë, dhe nuk u mësojnë atyre në mënyrë aktive aftësitë e nevojshme për të shkëlqyer në shoqëri. Dhe për të shkëlqyer dhe arritur jo vetëm lirinë financiare, por lirinë në të gjitha aspektet e jetës, nevojitet ajo që unë e quaj “prindërim i përgjegjshëm”.

Kjo është diçka që e bën edhe “babai i pasur” në libër. Ai u kujdes të përfshinte mësime të vlefshme në thuajse në gjithçka që bënte me djalin e tij. Ai nuk e la asnjëherë të kalonte një situatë, ku ai të mos i mësonte diçka të birit se si të mendonte vetë dhe të gjente zgjidhjen.

Shumë prindër nuk e hedhin këtë hap të rëndësishëm.

Ne kemi nevojë për më shumë njerëz që të kuptojnë se si funksionon bota, se si i shpërblen ajo njerëzit, dhe se si sistemi financiar do t’i vendosë fëmijët tuaj në një pozitë avantazhuesepër shumë breza që do të vijnë. Mjafton që edukimi i tyre të nisë që në moshë të re!

2. Pasuritë e paluajtshme

Ky është një nga mjetet më të fuqishme në fushën e investimeve. Libri flet shumë për rrugëtimin e personazhit kur bëhet fjalë për grumbullimin e pasurisë. Mjeti kryesor që përdori ai ishte pasuria e paluajtshme, pavarësisht nëse ajo përbëhej nga shitja e shtëpive,ndërmjetësimi apo dhënia e pronave me qira.

Ai analizon në thellësi strategjitë. Sapo bleva pronën time të parë, fluksi im i parave u rrit,dhe menjëherë fillova të ndërtoj vlerën time neto. Nuk po them se duhet të bësh karrierë nga kjo, por është një nga mënyrat më të zakonshme të krijimit të pasurisë.

Thuhet se 90 për qind e milionerëve, zotërojnë një formë të pasurisë të paluajtshme. Këto tëfundit janë diçka që të gjithë duhet ta kenë në qendër të vëmendjes nëse duan që të gjenerojnë të ardhura masive.

3. Pyet, pyet dhe vetëm pyet

Shumë njerëz dështojnë që t’i përdorin burimet e tyre kur përpiqen të kenë sukses. Në fakt mjafton që të pyesni. Në libër, autori kujton një histori që “Babai i tij i pasur” i tregoi atij për njerëzit që nuk ishin të interesuar të mësonin se si të krijonin pasuri për veten e tyre.

Ai i thoshte gjithmonë se punonjësit e tij nuk e kishin problem t’i kërkonin rritje të pagës. Por ata nuk menduan kurrë ta pyesnin, se si e bëri pasurinë dhe si e arriti suksesin që kishte. Ata ishin të kënaqur me jetën e zakonshme dhe plot vështirësi.

Kur ngrita kompaninë time për herë të parë, isha shumë dobët në fitimin e klientëve të rinj. Klientët e vetëm që më erdhën ishin bizneset që më referoheshin nga klientët aktualë dhe atatë dikurshëm. Në fund arrita në përfundimin se nuk ka asnjë arsye pse të mos kem një klientelë më të madhe, pasi unë njoh kaq shumë pronarë biznesi që janë jashtëzakonisht të suksesshëm.

Një ditë thjesht pyeta secilin nga klientët e mi, nëse njihnin dikë që kishte nevojë për shërbimet e mia. Po atë ditë, pata shumë referenca, dhe disa prej tyre u bënë klientët e mi të përmuajshëm! I njëjti leksion edhe për kërkimin e këshillave si në rastin e tek librit:Mjafton të pyesni! Asnjëherë mos supozoni se njerëzit do t’u tregojnë automatikishtdiçka. Pra mos jini tipi që zakonisht nuk pyet!

4. Perspektivat e këqija kanë rëndësinë e tyre

Premisa e librit, janë leksionet që personazhi mësoi nga të dy baballarët e tij. Sigurisht, babai i tij i pasur kishte këshilla më të mira për të ecur përpara. Por ai mori këshilla edhe nga babai i tij i varfër, pavarësisht nëse i ndoqi ato apo jo. Unë u them njerëzve gjatë gjithë kohës, se kanë shumë rëndësi perspektivat nga i shohim dhe analizojmë gjërat!

Dëgjimi i mendimeve të individëve që kanë një këndvështrim të ndryshëm për jetën, mund t’ju mësojë në dy mënyra. Së pari mund t’ju ndihmojë të bëheni një njeri më i përmbushur, sepse i kuptoni më mirë njerëzit, sidomos ata që nuk përputhen me vlerat tuaja.

Së dyti mësoni atë që nuk dëshironi të bëni, gjë që është po aq e rëndësishme sa edhe të mësoni se çfarë duhet të bëni në jetë për të ecur përpara. Dëgjimi i një këndvështrimi me të cilin nuk jeni dakord, nuk mund t’ju lëndojë nëse ju jeni të vetëdijshëm se nuk është këshilla që po kërkoni. Përkundrazi vetëm sa do t’ju ndihmojë të mësoni dhe të rriteni si person.

Shënim:Brianna Bussell, drejtuese e WebInsightCo.com, një kompani marketingu dhe e zhvillimit personal në internet. / “A2Succes”

Vazhdo leximin

MË TEPËR

Radar7 orë më herët

Rama ka futur thika pas shpine ndaj Kosovës në mënyrë të vazhdueshme

Berisha jashtë Parlamentit ndërkohë që flet kryeministri: Rama ka futur thika pas shpine ndaj Kosovës në mënyrë të vazhdueshme Ish-kryeministri...

Mix7 orë më herët

Çfarë është Flaka e Përjetshme në Chestnut Ridge?

Edhe pse që fëmijë na kanë mësuar se uji e shuan zjarrin, në Shtetet e Bashkuara ekziston një ujëvarë brenda së...

Mix7 orë më herët

Jennifer Lopez, këngë dedikuar Ben Affleck

Jennifer Lopez zbuloi së fundmi se do të publikojë këngë dedikuar Ben Affleck. Përmes rrjetit social,Instagram, Jennifer  ndau listën e këngëve...

Mix8 orë më herët

Zgjoheni çdo ditë me sklepa në sytë tuaj? Ja çfarë tregojnë ato për shëndetin

Një grumbullim i papastërtive në cepin e syrit ose tek qerpikët është normale, por një ndryshim në ngjyrë, konsistencë ose...

Mix1 ditë më herët

Elon Musk mund të prodhojë një smartphone nëse Apple e Google bllokojnë Twitter-in

Shefi i Twitter-it, Elon Musk ka thënë se është i hapur për të krijuar smartfonin e tij ‘alternativ’ në rast...

Mix1 ditë më herët

Njeriu më i pasur i Azisë, Gautam Adani shpall ambicien për një media globale

  Gautam Adani dëshiron të krijojë një markë globale lajmesh në shenjë të ndikimit në rritje dhe ambicies ndërkombëtare të...

Mix1 ditë më herët

Elon Musk: Nuk e mbështes Trump në presidenciale, jam me DeSantis!

Teksti i mesazhit është bërë publik si pjesë e një beteje ligjore mes Musk dhe ‘Ars Technica’ Vetëm para pak...

Mix1 ditë më herët

Obeziteti tek fëmijët shkakton pubertet të hershëm, rrezik për sëmundje të rënda

Nëse fëmijët në moshën tre vjeçare kanë peshë të tepërt trupore, ka mundësi që në moshën nëntë vjeçare të hyjnë...

Mix1 ditë më herët

Kjo stërvitje për muskujt e barkut është e shkurtër, por kaq efektive!

PHOTO CREDITS: SKINNY MS Trajnerët shpesh sugjerojnë një rutinë fitnesi jo të njëtrajtshme. Ideja për ta bërë shumëllojshmërinë një pjesë të...

Radar1 ditë më herët

Sot bëhen tre vite nga tërmeti tragjik i 26 nëntorit të 2019-ës, ku humbëm 51 jetë

Kjo e shtunë shënon 3-vjetorin e tërmetit tragjik, që tronditi vendin mëngjesin e 26 nëntorit të vitit 2019, duke i marrë...

Facebook