Urinimi ne shtrat, teper i shpeshte tek femijet. Ja shkaqet e verteta

Urinimi ne shtrat, teper i shpeshte tek femijet. Ja shkaqet e verteta

Ky është një problem tepër i shpeshtë tek fëmijët dhe zakonisht prek fëmijët nga mosha 5-14 vjeçare dhe quhet enuresi notturna. Më të prekurit janë fëmijët e moshës 5 vjeçare, më pas ata të moshës 10 vjeçare dhe në një përqindje më të vogël ata me moshë më të madhe.

Enuresi notturna
Më tepër se një sëmundje këtë mund ta quajmë një shqetësim që ka lidhje me daljen e pavullnetshme të urinës gjatë gjumit i cili shfaqet në moshën 5-6 vjeçare kur fëmija në më të shumtën e rasteve ka fituar kontroll të plotë të këtij proçesi.

Cilat janë shkaqet?

Ato ndahen në:

• Primare. Pra mund të shfaqen tek fëmija në rast se ai nuk ka fituar kontroll të plotë të proçesit. Fshikëza e urinës nuk është maturuar si duhet ose fëmija ka një problem me hormonet.
• Sekondare. Kjo ndodh kur fëmija ka fituar kontrollin e fshikëzës së urinës dhe pas rreth 6 muajsh fillon sërish të urinojë në shtrat, në këtë rast mund të ndikohet nga faktorë emocionalë dhe stresi.
• Sintomatike. Enuresi notturna në këtë rast shkaktohet nga një sëmundje si për shembull nga një infeksion urinar, nga epilepsia apo diabeti.

Urinimi i pavullnetshëm do të ketë ndikim negativ edhe tek vetëbesimi i fëmijës dhe mund të fillojë të ndihet në faj, të mos ketë ecuri të mirë në mësime si edhe të kufizohet në shumë veprimtari në jetë.  Është shumë e rëndësishme të shkoni menjëherë tek mjeku nëse keni vënë re se fëmija ka filluar të urinojë shpesh në shtrat. Ai do të dijë t’ju udhëzojë më mirë në lidhje me mënyrën si duhet të veproni.