2021-shi është klasifikuar si viti më stresues i kohëve të fundit. 41% të të rriturve në mbarë botën duke thënë se kanë përjetuar shumë stres se më parë.

Por ky tregues nuk është i njëjtë në të gjithë botën. Nivelin më të lartë të stresit e ka raportuar Afganistan dhe Liban me 74%. Niveli i stresit është rritur edhe në Shqipëri. Shqiptarët renditet ndër popullsitë që kanë përjetuar më shumë stres vitin e shkuar, me 59%.

Kjo është shifra më e lartë në Ballkan, e matur nga Indeksi i Emocioneve 2021/2022 të Gallup. Sipas studimit, 330 milion të rritur kalojnë të paktën dy javë pa folur me një mik apo anëtar të familjes. Dhe vetëm për shkak se disa njerëz kanë miq, nuk do të thotë se ata kanë miq të mirë. Një e pesta e të gjithë të rriturve nuk kanë një person të vetëm tek i cili mund të mbështeten për ndihmë.

Një ndikim të konsiderueshëm në këtë gjendje jep edhe puna apo të ardhurat që njerëzit kanë. Shumë individë që janë në një punë jo të mirë kanë më shumë gjasa të përjetojnë emocione negative sesa dikush që nuk ka punë fare.

Gallup mat emocionet e përditshme në 145 vende duke i pyetur njerëzit nëse ata kanë përjetuar pesë emocione pozitive dhe pesë emocione negative një ditë më parë. Pesë përvojat negative përfshijnë zemërim, stres, trishtim, dhimbje fizike dhe shqetësim.