Pasi të keni kontrolluar se keni vendosur në valixhe gjithçka që ju duhet kur niseni për një udhëtim, një vëmendje të veçante duhet ti kushtoni dhe çantës së ndihmës së shpejtë që duhet marrë me vete. Shumë e rëndësishme është që ilaçet të rruhen në kutitë e tyre origjinale bashkë me fletë udhëzuese, pasi mund të rezultojnë shumë të nevojshme në rast se keni dyshime mbi përdorimin apo të dhënat për një ilaç.

Por si rregull i përgjithshëm këshillohet të mos e ekzagjeroni me blerjen e ilaçeve që shpesh hidhen sapo ktheheni në shtëpi, vetëm nëse destinacioni që keni mund të jetë i vështirë për të marrë trajtimin e duhur.

Një tjetër faktor që duhet të keni në mendje në fazën e përgatitjen, në rastin e udhëtimit me avion, duhet të kufizoni vëllimin e lëngjeve që merren në çantën e dorës. Gjithësesi para se të niseni informohuni në kompaninë ajrore për të dhëna specifike.

ÇFARË DUHET TË MERRNI ME VETE

• ilaçet për udhëtimin, në rast se keni nauzea, apo siç e themi në gjuhën popullore “të zë makina, avioni, deti) Mund të zgjidhni forma të ndryshme që janë në farmaci si ato që përtupen si çamçakëz, ato që tretn, supost etj.

• Antipiretikët, pra ilaçet për të ulur temperaturën, siç është paracetamoli, apo ilaçet që kanë atë si bazë. Mund të përdoret dhe një sinonim i tij siç është acetaminofen shumë i përdorur jashtë vendit.

• Një antiinflamator me përdorim nga goja, më mirë nëse e keni përdorur në të shkuarën për të ditur dozën dhe përgjigjen e vetë organizmit, të nevojshme për dhimbje koke, dhëmbësh, dhimbje shpine…mes ilaçeve më të zakonshme kujtojmë aspirinën, ibuprofenin, diklofenak, naproksen etj.

• Ilaçe për trajtimin e çregullimeve të tretjes, si djegie të stomakut, apo ndjesi fryrje të barkut.

• Sipas destinacionit ku do të udhëtoni mund të jetë i nevojshëm një produkt për tu aplikuar kundër insekteve ku përfshihen dhe kremëra kortizonik të nevojshme për ndonjë dermatit të kontaktit në rastin e reaksioneve alergjike.

• Mbrojtjet ndaj diellit dhe trajtimi i djegieve të vogla, sidomos gjatë udhëtimeve të verës.

• Pikat për syrin, të cilat do ishin mirë në paketim me një dozë të vetme.

• Shami dezinfektuese, garza sterile dhe leukoplast për plagë të vogla.

• Fermente laktike (prerferohet e qëndrueshme në temperaturën e dhomës) për të parandaluar diarrenë, dhe ilaçet për trajtimin akut në gjendje të bllokojnë episodin; shpesh harrohen, por rezultojnë shumë të nevojshme edhe kripërat rihidratuese që përdoren në rastet e vjelljes/diarresë, sidomos tek fëmijët për të parandaluar dehidratimin.

• Këshillohuni me mjekun për një antibiotik të spektrit të gjerë për infeksione të mundshme nëse desitancioni ku do shkoni nuk e ka të lehtë aksesin në ndihmën mjekësore.

• Një laksativ i mundshëm

• Antihistaminikët për alergji të kontaktit, ushqime… që mund të jetë në formë topike (krem) apo ilaç nga goja. Këshillohuni me mjekun nëse duhet të merrni kortizonin për episode të rënda.

• Termometër.

• E fundit, por jo më pak e rëndësishme, çdo ilaç që lidhet me probleme të veçanta personale, për përdorim kronik apo jo.

/ MeMjekun.com