Një ankand i koleksionit të artit të bashkëthemeluesit të Microsoft, Paul Allen theu rekord këtë javë duke grumbulluar më shumë se 1.5 miliardë dollarë. Sipas ankandit ishte shitja më e madhe e një pronari të vetëm. Ajo mposhti 922 milionë dollarët e mbledhura nga  Harry dhe Linda Macklowe për koleksionin e tyre të çmuar në maj.

Veprat nga Seurat, Cézanne, Van Gogh, Gauguin dhe Klimt që të gjitha shkuan më shumë se 100 milionë dollarë . Të pranishmit përfshinin  Steve Martin dhe galeristin, Larry Gagosian. “E habitshme për mua ishte se blerësit aziatikë duket se janë shumë në lojë”, u shpreh galeristi.

Puna me çmimin më të lartë ishte një Seurat që iu shit për 149.2 milionë dollarë një ofertuesi telefonik që thirri kryetarin e Christie’s Asia, Xin Li, raportoi ArtNews.

Allen filloi të mbledhë vepra arti në vitin 1992. Ai kishte një ekip prej 14 profesionistësh që mbikëqyrnin koleksionin e tij. Nën titullin “Visionary: The Paul G. Allen Collection”, shitja pritej të fitonte mbi 1 miliard dollarë, por i tejkaloi vlerësimet. Në gusht, shtëpia e ankandeve  njoftoi se kishte fituar të drejtat për të shitur mbi 150 kryevepra të Allen. Bashkëthemeluesi  u nda nga jeta në moshën 65-vjeçare në vitin 2018 pasi luftoi me limfomën jo-Hodgkins.