Ekspertja e fitnesit, mirëqenies dhe ushqimit Penny Weston rendit shtatë mënyra për të zgjatur jetën tuaj

Ka shumë faktorë që ndikojnë se sa do të jetojmë. Ekspertja e fitnesit, mirëqenies dhe ushqimit Penny Weston rendit shtatë mënyra për të zgjatur jetën tuaj, sipas Express.co.uk.

Shëtisni një qen

Sipas saj shëtitjet e gjata dhe të rregullta ditore reduktojnë stresin, të forcojë kockat dhe të rrisë fuqinë dhe qëndrueshmërinë e muskujve. Ecja mund të zvogëlojë rrezikun e sëmundjeve të tilla, si të zemrës, diabeti i tipit 2, osteoporoza dhe disa lloje kanceri.

Hani arra
weston thotë se, arrat janë burime të mira të yndyrës, fibrave dhe proteinave dhe kështu ato do t’ju bëjnë të ndiheni më të ngopur për më gjatë.

Një studim i botuar në NeW England Journal of Medicine zbuloi se ata që hanin më shumë arra kishin një rrezik më të ulët të vdekjes veçanërisht nga kanceri, sëmundjet e zemrës ose sëmundjet e frymëmarrjes.

Mos vdisni urie

Sipas ekspertes, dietat kufizuese mund të jenë të rrezikshme për një sërë arsyesh, siç është fakti se ato mund të çojnë në humbje të muskujve, të shkaktojnë lodhje dhe letargji, si dhe mangësi në vitaminat dhe mineralet thelbësore. Për një periudhë të gjatë kohore ato mund të rezultojnë në ndalimin e menstruacioneve të grave dhe mund të ndikojnë në fertilitetin.

Bëhuni veganë

Veganizmi mund të jetë sekreti për të jetuar më gjatë, sipas ekspertes së fitnesit.

“Një studim i botuar në Journal of Nutrition zbuloi se veganët kanë më shumë antioksidantë në trupin e tyre, ndoshta për shkak të konsumit më të lartë të frutave dhe perimeve.”

Bëni më shumë seks

Weston shpjegoi se, shumë studime të ndryshme kanë treguar se një jetë seksuale aktive është e lidhur ngushtë me një jetë më të gjatë.

“Seksi ka shumë përfitime, duke përfshirë uljen e rrezikut të sulmeve në zemër, goditjeve në tru dhe sëmundjeve të tjera të zemrës.”

Merrni suplemente

“Kërkoni përbërës që të rrisin humorin për të ruajtur shëndetin e mirë mendor”, thotë Weston.

Për shembull, acidet yndyrore Omega 3 shërbejnë për të përmirësuar gjendjen e një gruaje e cila është bërë nënë.

“Kërkoni këshilla mjekësore se cilat suplemente mund të ndihmojnë çdo gjë që po përjetoni, qoftë lodhje, humor të ulët apo mungesë energjie.”

Pini më shumë ujë

Ekspertja e fitnesit sugjeron që pirja e sasive të mjaftueshme të ujit mund të zvogëlojë rrezikun e kancerit të zorrës së trashë dhe kancerit të fshikëzës.

“Ai gjithashtu ndihmon në lubrifikimin e kyçeve, hidratimin e qelizave dhe largimin e toksinave përmes mëlçisë dhe veshkave tuaja, duke ju ndihmuar të jetoni më gjatë.”