Shqipëria është një ndër vendet me rritjen më të lartë të çmimeve. Ndryshimi vjetor i matur nga Indeksi i Harmonizuar i Çmimeve të Konsumit në muajin tetor është 8,0 % nga gati 12% që është për mesataren e bashkimit Europian me 27 shtete.

Edhe pse të ardhura shumë herë më të ulëta, Shqipëria renditet pas Zvicrës, Islandës, Francës, Spanjës dhe Maltës, sa i përket çmimeve të larta.

Instituti i Statistikave bën me dije se rritja më e madhe e çmimeve, prej 13.7 % është shënuar te ushqimet dhe pijet joalkoolike. Më pas renditet transporti me me 12.9 %.

Në këto dy grupe ka ndikuar rritja e çmimit të karburanteve, që prej disa muajsh tashme ka pësuar shtrenjtim të konsiderueshëm.

Më pas listohen: “Mobilim, pajisje shtëpie dhe mirëmbajtje” me 6,5 %, “Pije alkoolike dhe duhan” me 5,1 %, “Qira, ujë, lëndë djegëse dhe energji” me 4,9 %, “Veshje dhe këpucë” me 3,9 %, “Mallra dhe shërbime të ndryshme” me 3,8 %, “Hotele, kafene dhe restorante” me 3,1 %, “Shëndeti” dhe “Shërbimi arsimor” me 2,4 % secila, “Argëtim dhe kulturë” me 2,0 % dhe “Komunikimi” me 0,6 %.