Baguette franceze (një lloj i bukës franceze) mori statusin e trashëgimisë së UNESCO-s.

Agjencia e OKB-së i dha ‘statusin e trashëgimisë kulturore jomateriale’ traditës së prodhimit të baguettes dhe stilit të jetesës që i rrethon.

Më shumë se gjashtë miliardë baguette franceze piqen çdo vit në Francë, sipas Federatës Kombëtare të Furrave Franceze, por statusi i UNESCO-s vjen në një kohë sfiduese për industrinë.

Franca ka humbur rreth 400 furra buke artizanale në vit që nga viti 1970, nga 55,000 (një për 790 banorë) në 35,000 sot (një për 2,000).

Baguette ka qenë në rënie vitet e fundit, pasi furrat tradicionale luftojnë kundër rritjes së supermarketet e mëdha dhe popullaritetit në rritje të brumit të thartë.

“Fillimisht, baguette u konsiderua një produkt luksi. Klasa punëtore hante bukë fshatare. Më pas konsumi u përhap dhe fshati u pushtua nga baguettes në vitet 1960 dhe 1970,” tha Loic Bienassis, i Institutit Evropian të Historisë dhe Kulturave të Ushqimit, i cili ndihmoi në përgatitjen e dosjes së UNESCO-s.

Por pavarësisht se ishte një pjesë në dukje e pavdekshme në jetën franceze, baguette mori emrin zyrtarisht vetëm në vitin 1920, kur një ligj i ri specifikoi peshën e saj minimale (80 gram) dhe gjatësinë maksimale (40 centimetra).