Mix
Si e kalojnë kohën e lirë aktorët e famshëm ?!
Aktorët e njohur, muzikantët dhe sportistët shpesh pohojnë se janë shumë të zënë, por disa prej tyre pëlqejnë ta kalojnë kohën e lirë jo vetëm për pushim, por edhe për t’u marrë me aktivitete të ndryshme. Mënyra sesi ata e kalojnë kohën e lirë shpesh duket joreale duke qenë se gjithmonë njerëzit mendojnë se yjet gjenden përherë në vende dhe resorse luksoze. Këto janë disa nga hobet e tyre, që për shumë njerëz mund të duken edhe disi të çuiditshme. Disa prej tyre, si aktorja Demi Moore dhe këngëtarja Britney Spears mbledhin kukulla nga porcelani, ndërsa disa tjerë kanë koleksione të pazakonta.
Tom Cruise
Tom Cruise, i cili është bërë i famshëm me filmat aksion, ushtrohet vazhdimisht me shpata. Ai me këtë hobi i ka “infektuar” edhe miqtë e tij, David Beckham-in dhe Will Smith-in, ndërsa ka dhe dhomën e veçantë të dedikuar për këtë sport.
Angelina Jolie
Angelina Jolie pëlqen gjëra të rrezikshme, kështu që mbledh thika. “Thikat e para m’i ka blerë nëna kur kam qene 11 apo 12 vjeç”, ka thënë dikur Jolie.
Kiefer Sutherland
Kiefer Sutherland, ylli i serisë “24”, e adhuron muzikën dhe e zotëron studion muzikore në të cilen mban një koleksion prej 28 kitarash të markës “Gibson”. Aktori po ashtu ndihmon rokerët e rinj që të arrijnë kontrata me shtëpitë e produksioneve.
Johnny Depp
Johnny Depp në kohë të lirë pëlqen të luajë me kukulla. “Po, unë pëlqej të luaj me kukulla. Kjo është gjë interesante të cilën mund ta bëni me fëmijët. Një herë i kam “dhënë” role të ndryshme kukullave dhe e ndërroja zërin, por kjo vajzës sime nuk ika pëlqyer”, ka treguar Depp.