Eksperti i sigurisë kibernetike Besmir Semanaj është shprehur i revoltuar me qëndrimin e Agjencisë Kombëtare të Shoqërisë të Informacionit pas PD e akuzoi se po përdoret nga kryeministri Edi Rama për qëllimet e tij partiake.

Në një postim në rrjetet sociale, Semanaj shkruan se ndihet i turpëruar pak javë pasi kishte pranuar një ftesë nga AKCESK, teksa sjell në vëmendje deklaratën e AKSHI ku heq përgjegjësitë se të dhënat e publikuara pas sulmit kibernetik në vend, nuk janë marrë prej tij.

Reagimi i plotë:

Me vjen turp!

Te dashur kolege, te dashur shqiptare. Sapo lexova deklaraten e AKSHIT dhe akoma nuk I besoj syve, ndoshta eshte nje deklarate e leshuar nga hackers iranian sepse nuk ka shpjegim tjeter. Me vjen turp per ata persona qe punojne prane atij institucioni dhe institucioneve qe duhet ti mbikëqyrin, me vjen turp te flas mbi kete teme sepse perballe kam thjesht ca palaco qe nxorren sheshit te dhenat e mia dhe te familjareve te mi dhe pas 6 muajsh vendosin te tallin dhe bythen.

Para pak javesh pranova me kenaqesi nje ftese te hapur nga AKCESK ne menyre qe te jepja kontributin tim modest. Tani me vjen turp qe isha pjese e atij takimi.

Ndoshta eshte momenti qe mos te flasim me ne princip dhe parimisht por te flasim per tenderat, investimet, certifikimet.

Reagimi i plotë i AKSHIT.

Agjencia Kombëtare e Shoqërisë së Informacionit shpreh keqardhjen për sulmet politike ndaj institutionit dhe punës së tij duke tentuar manipulimin e opinionit publik.

Nisur nga akuzat pa asnjë fakt, informojmë qytetarët shqiptarë se AKSHI nuk ka asnjë lidhje apo përgjegjësi me pasojat e sulmeve kibernetike ndaj Policisë së Shtetit apo institucioneve të tjera publike dhe private, të cilat nuk kanë asnjë lidhje teknike me sistemet që mirëmban AKSHI.

Kujtojmë se pavarësisht sulmit të fuqishëm kibernetik, i pandodhur më parë në Shqipëri për nga lloji dhe përmasat, vetëm 7 mailboxe të hostuara pranë AKSHI-t janë bërë publike.

Prej muajsh, institucioni i AKSHI-t sulmohet pa asnjë fakt ndërkohë që për këtë çështje kanë dhënë verdiktin e tyre edhe institucione të njohura ndërkombëtare amerikane FBI, CISA, US Army dhe Microsoft.

Vlen të theksojmë se të gjitha të dhënat e publikuara pas sulmit, nuk janë marrë nga AKSHI.

Gjejmë rastin të falenderojmë punën e të gjithë punonjësve të AKSHI-t dhe partnerëve ndërkombëtarë (FBI dhe Microsoft) që kanë punuar prej muajsh 24/7, pa pushim, për të rikthyer e-Albania në funksion brenda 4 ditësh, e për të vijuar me të njejtin nivel përkushtimi në javët e muajt në vijim për të siguruar mbarëvajtjen e sistemeve