Dëgjimi i një melodie relaksuese para se të shkoni në shtrat është menduar prej kohësh se na ndihmon të biem në gjumë. Qindra playlista në Spotify premtojnë muzikë në këmbim të ëndrrave të ëmbla.

Por çfarë është saktësisht muzika relaksuese?

Shkencëtarët nga Universitetin Aarhus në Danimarkë u përpoqën të trajtonin këtë pyetje dhe ata u befasuan kur zbuluan se muzika pop dhe R&B shpesh shfaqet në play-listat me emra ose përshkrime që lidhen me gjumin.

Studiuesit analizuan më shumë se 225,000 këngë nga 985 playlista në Spotify që ishin të lidhura me gjumin dhe i krahasuan ato me muzikën nga një grup të dhënash që përfaqëson muzikën në përgjithësi.

Hulumtimi i tyre zbuloi se muzika relaksuese shpesh karakterizohet nga ritmi më i ulët, zhurma dhe energjia dhe ka më shumë gjasa të jetë instrumentale dhe akustike, si Lullaby e Brahms.

Megjithatë, kur numërohet numri i herëve që një këngë e caktuar është shfaqur në playlistat e gjumit, kënga më e njohur, e shfaqur 245 herë, ishte “Dynamite” nga grupi pop korean BTS.

Këngë të tjera të njohura që shfaqen shpesh në playlistat e gjumit në Spotify ishin “Jealous” nga Labrinth, ose “lovely” (nga Billie Eilish dhe Khalid.

Dr Kira Vibe Jespersen, një profesoreshë në Universitetin e Aarhus që mori pjesë në studim, tha se shumëllojshmëria dhe shpeshtësia e muzikës pop që doli në bazën e të dhënave ishte gjetja më befasuese.

Studimi u botua në revistën shkencore Plos One.