Corriere Della Sera i ka kushtuar një reportazh Shqipërisë parë dhe shëtitur me biçikletë. Për dy javë qëndrim nga Tirana e nëpër gjithë vendin, cep më cep e terren më terren. Si duket në sytë e një të huaji nga dy rrotat e biçikletës?

Linku

Reportazhi

Shqipëria me biçikletë. 1085 kilometra, 4 vende të Unesco-s, 15 ditë. Këto janë shifrat e itinerarit me biçikletë për të zbuluar një nga vendet me terrenet më të egra dhe më pak të njohura të Europës, Shqipërinë dhe në veçanti atë juglindoren.

Shqipëria me biçikletë: intineraret më të bukura

Me biçikletë udhëton pa nxitim, mes terreneve të egra ku majat, luginat, vreshtat dhe fshatrat e lashta si të varura në shpatet e maleve ndjekin njëra-tjetrën, por edhe manastiret e kështjellat me pamje nga deti dhe qytetet historike, ku koha duket sikur ka ndalur.

Nga Tirana, dy javë aventura

Një aventurë që nis dhe mbaron në të njëjtin vend, në Tiranë, kryeqytetin plot zhurmë të tokës së Shqiponjave. Dy javë udhëtim, përgjatë pjesës jugore të Shqipërisë deri në kufirin me Maqedoninë e Veriut, duke përshkuar brigjet e liqenit më të vjetër dhe më të thellë në kontinentin e vjetër dhe më pas brigjet e lumit të fundit të egër në Evropë, Vjosës, gati për t’u bërë park kombëtar.

Dhe pastaj, përsëri, qytete me një histori mijëravjeçare të përfshira nga UNESCO në listën e vendeve të trashëgimisë botërore, vende arkeologjike të paçmueshme, plazhe të virgjëra, gjire sekrete dhe kështjella me pamje nga deti.

Ky udhëtim është në listën e 52 destinacioneve për t’u parë në vitin 2023.

Një mundësi unike për t’u larguar këtë pranverë, ose fillimvere në një nga vendet e fundit të paeksploruara dhe autentike në Evropë.

Një udhëtim me biçikletë, mes fshatrave të lashtë, manastireve me pamje nga deti, fshatrave të gurtë dhe mikpritjes.