Lidhu me ne

Radar

Vendimi qesharak/ Minoranca Alibeaj do konkurrojë si PD

Katër ushtarë të Rilindje; Elvin Lako, Koli Bele, Ilir Rusmali dhe Ledio Braho vetëm kanë ngritur duart për një sekret publik që të gjithë e dinin prej muajsh; me siglën e PD në këto zgjedhje, ku duhet të triumfojë Edi Rama, do të prezantohet një minorancë e papërfillshme brenda kësaj partie.

Katër nga pesë anëtarët e Komisionit të Ankimimeve dhe Sanksioneve vendosën regjistrimin e Partisë Demokratike në zgjedhje me kryetar të komanduar Enkelejd Alibeajn. KAS ka vendosur se ky i fundit mund të depozitojë dokumentacionin me emrin e tij si kryetar i komanduar ndonëse ish partia ka në gjykatë si lider të pa ç’regjistruar Lulzim Bashën dhe ndonëse Alibeaj nuk është votuar kurrë për postin që i njohën Elvin Lako, Ilir Rusmali, Koli Bele dhe Ledio Braho.

Me këtë vendim praktikisht KAS ka kundërshtuar qëndrimin e Kryekomisionerit Ilirian Celibashi, që pretendonte se nëse vula i jepet grupimit të regjistruar në gjykatë me kryetar Bashën, duhej që ky i fundit të mbante edhe përgjegjësinë për aktet që do firmoste. Në vendimin e dy ditëve më parë, Celibashi kërkoi që PD të mos futej në zgjedhje pasi nuk kishte plotësuar dokumentacionin e nevojshëm. Celibashi e vlerësoi kusht të panegociueshëm për të regjistruar PD-në në zgjedhje, deklaratën solemne të angazhimit me firmë të Lulzim Bashës, pasi edhe pse ka dhënë dorëheqjen në mars të 2022, është ai që figuron në Gjykatën e Tiranës ende si lider i partisë.

Por, ky pretendim u kundërshtua nga përfaqësuesi i Alibeajt, Indrit Sefa, që parashtroi para KAS të gjithë argumentet ligjorë, përmes së cilave kërkohej rrëzimi i vendimit të KQZ, për mosregjistrimin e tyre në zgjedhje. Sefa u ndal në autorizimin e lënë nga Basha para se të jepte dorëheqjen për regjistrimin e PD-së në zgjedhje. Sefa tha, se ky autorizim iu jep atyre tagër që të bëjnë kërkesën për regjistrim në zgjedhje, ndërsa sa i takon deklaratës solemne tha se nuk është e detyrueshme që të firmoset nga Lulzim Basha, pasi kjo është përgjegjësi e subjektit politik.

Pra, po të ripërmbledhim atë që ka ndodhur, Gjykata e Apelit e kthehu çështjen për rishqyrtim duke i dhënë mundësinë atij grupimi që përkrah Rama dhe Lindita Nikolla në Parlament, të ruante vulën e PD. Edhe kreu i KQZ, Celibashi vazhdoi në të njëjtën linjë, veçse kërkoi që meqë vula kishte mbetur te ajo pjesë që kishin Bashën si kryetar të regjistruar në gjykatë, dokumentacionin për pjesëmarrjen në zgjedhje duhej ta nënshkruante vetëm ai. Katërshja e KAS, Elvin Lako, Koli Bele, Ilir Rusmali dhe Ledio Braho, ia hoqi qafe edhe këtë andrallë Alibeajt duke sanksionuar se si opozitë zyrtare ndaj Ramës në zgjedhje duhet shpallur një minorancë e papërfillshme e PD.

Si përfundim në fletën e votimit emri në krah të Partisë Demokratike do të jetë Enkelejd Alibeaj. KAS privilegjoi argumentat e Alibeajt duke shpallur se “e detyron Komisionerin Shtetëror të regjistrojë subjektin zgjedhor Partia Demokratike, me nënkryetarin Enkelejd Alibeaj në cilësinë e kryetarit të komanduar të partisë” thuhet në vendimin e lexuar nga relatori i çështjes, Koli Bele.

Kështu u rrëzua pretendimi i Berishës si mishërim i shumicës, ndonëse përfaqësuesi i tij ligjor tha që do ta dërgojnë çështjen në Kolegjin Zgjedhor brenda afatit të lejuar pesë ditor.

Dhe në këtë pikë aplikimi i standardit të dyfishtë nga tragjik rrezikon të bëhet komik. Sepse nëse me vendimin e Gjykatës së Apelit vula iu rimor Berishës për t’u dhënë Alibeajt duke lejuar që ky i fundit të ankimohej për një proces ku nuk qe palë, tani të tjerë gjykatës, ata të Kolegjit Zgjedhor, mund ta refuzojnë pretendimin e Berishës me argumentin e kundërt, se ai nuk mund të bëhet palë në konfliktin e Alibeajt me Celibashin.

Në gjithë këtë lojë me kungulleshka qëllimi është vetëm një: që si opozitë zyrtare përballë Ramës të shfaqet pjesa më e cfilitur, më e dobët dhe më jo serioze e PD. Prandaj në fletën e votimit në 14 maj, krahas emrit Partia Demokratike, do të shfaqet i mandatuari, por i pavotuari si kryetar, Alibeaj.

MË TEPËR

Mix8 orë më herët

Rrahjet e ngadalta të zemrës/ Përse ndodhin dhe si të veproni

Rrahjet e zemrës funksionojnë si tik taku i orës, vazhdojnë pa pushuar asnjë sekondë gjatë gjithë jetës. Zemra, organi më...

Mix8 orë më herët

Ja sa duhet të jenë rrahjet e zemrës sipas moshës që keni

Ritmi i zemrës është numri i rrahjes së zemrës në minutë. Ju mund të matni atë ndërsa jeni në pushim...

Mix8 orë më herët

Sipas moshës dhe gjinisë, ky është numri normal i rrahjeve të zemrës në minutë

Shumë njerëz shpesh numërojnë rrahjet e tyre të zemrës, mirëpo në këtë epokë moderne, ka edhe aplikacione celulare që matin...

Kryesore15 orë më herët

Askush nuk e tha të vërtetën se përse janë shtuar sharlatanët në media

Koment nga Bilbil Beqiri U bë një debat i vakët në portalet shqiptare se përse janë shtuar sharlatanët në TV,...

Temporal16 orë më herët

Shpallja “armik i popullit” i gomarit që del në televizion dhe zbavit disa të ngjashëm të tij

Ardian NdrecaArdian Ndreca A mund të gjobitet apo të dënohet dikush që mendon dhe e shpreh publikisht se toka asht...

Kryesore2 ditë më herët

Opozita në protestë, gjithçka ndodhi në tubimin e parë pa Berishën në shesh

Pas disa kohësh që nuk organizonte një tubim dhe përplasje mes vetes, opozita e drejtuar nga Rithemelimi thirri qytetarët dhe...

Radar2 ditë më herët

Veliaj “kërcënon” Ramën

Kryebashkiaku Erion Veliaj Kryebashkiaku Erion Veliaj, në një dalje të tij në media ka përcjellë mesazh të koduar për kryeministrin...

Mix2 ditë më herët

Zbuloni disa fakte interesante për lepujt

Lepujt janë krijesa sociale dhe janë më të lumtur në shoqërinë e specieve të tyre. Kombinimi më i mirë është...

Mix2 ditë më herët

Kanceri mund të maskohet nga prostata e zmadhuar? Nëse keni probleme me prostatën bëni një kontroll tek doktori

Pak ditë më parë, bota u trondit kur Pallati Buckingham njoftoi se mbreti britanik Charles vuante nga kanceri. Trashëgimtari i...

Radar2 ditë më herët

“Non grata, plumb kundër opozitës”, Berisha akuzon diplomatët për përçarjen e PD: Ky uragan ishte llogaritur të mos ndodhte

“Ky uragan madhështor në qendër të Tiranës, ishte llogaritur të mos ndodhte. Shqipëria ishte llogaritur që sot të ishte një...

Facebook