Në ceremoninë e ndarjes së çmimeve muzikore “iHeartRadio 2023”, morën pjesë artistët më të suksesshëm ndërkombëtarë të muzikës dhe patjetër që Justin Timberlake nuk kishte sesi të mungonte.

Kanë kaluar disa vite që kur këngëtari i famshëm ka publikuar projekte të reja, ndaj dhe ai ishte pjesëmarrës për të suportuar miqtë e tij artistë, por nuk ishte ky gjest i këndshëm që u bëri përshtypje fansave. Të gjithëve u tërhoqi vëmendjen transformimi i tij fizik! Nuk po themi që 42 vjeçari nuk ka një fizik të mirë, por të gjithëve iu duk sikur fytyra e tij dukej tejmase ndryshe.

Si gjithnjë, ërdoruesit e rrjeteve sociale kishin shumë për të thënë për këtë. Ata nisën të vënë në dyshim pamjen e tij duke e quajtur modelin e flokëve të çuditshëm ndërsa të tjerë mendonin se papritur fytyra e yllit të muzikës “Pop” dhe “R&B” dukej shumë e fryrë dhe se mund t’i jetë nënshtruar ndonjë operacioni plastik.

“A e di ndokush nëse Justin Timberlake thjesht nuk është më një 42 vjeçar simpatik apo ka bërë një operacion të keq plastik?”-u shpreh një përdorues në “Twitter” ndërsa dikush tjetër tha: “Ka bërë se s’bën botoks pasi fytyra e tij duket shumë ndryshe.”

Ekpertët e kirurgjive plastike nga ana tjetër ishin të pasigurt, pasi sipas tyre nëse këngëtari do të kishte bërë botoks nuk do të kishte asnjë rrudhë në fytyrë, ndërkohë që kjo nuk është çështja. Nuk është hera e parë që fansat diskutojnë rreth ndërhyrjeve potenciale që Timberlake mund të ketë bërë, por ai nuk është përgjigjur asnjëherë publikisht.

Në ditët e sotme, me kalimin e moshës çdokush krijon pritshmëri në lidhje me procesin e plakjes dhe standardin e artë të bukurisë. Ku i dihet, ndoshta Justin Timberlake nuk ka bërë asnjë operacion plastik, por fytyra etij po ndryshon për shkak të moshës dhe ky ndryshim është normal. Askush nuk ngjan njëlloj si në vitet e rinisë!