Edhe pse ajo u shfaq e pashqetësuar nga videoja e “Daily Mail” kur Emily Ratajkowski puthej me Harry Styles, duket se Wilde është lënduar vërtet nga ajo që ndodhi. Revista “OK” pretendon se ata folën me një burim të afërt me aktoren/regjisoren dhe zbuluan se ajo është bërë keq nga lajmet.

Olivia Wilde jo vetëm që i dha fund marrëdhënies me Styles në mënyrë miqësore, por ajo kishte një miqësi të ngushtë me Emily. Në të kaluarën, Ratajkowski e ka mbrojtur Wilde kur ajo është sulmuar nga fansat dhe mediat. Një gjë të tillë e ka bërë edhe gjatë një interviste me “Elle Magazine”, ku Ratajkowski mbrojti jo vetëm Wilde, por edhe Amber Heard, nga sulmet që ato kishin marrë në internet.

Tani që Ratajkowski mund të jetë në lidhje me Styles, burimi i afërt me Olivia tha për “OK” se ajo ndihet e zhgënjyer, “Olivia nuk do të flasë kurrë më me Emily. Ajo nuk e di se kush e ka tradhtuar më shumë, Harry apo Emily. Asaj nuk i ka mbetur gjë tjetër veçse ndihet zemërthyer”

Përdoruesit e Twitter që kanë ndjekur rastin e Olivia Wilde tashmë kanë filluar të tallen sërish me të. Ky reagim vazhdon të përjetësojë mosrespektimin e vazhdueshëm ndaj grave kur ato po kalojnë çdo lloj beteje kundër një burri të fuqishëm apo popullor në Hollywood. Një burim tjetër ka folur për “Page Six” dhe tregoi se si ndihet Olivia Wilde, “Kjo është një tradhti. Olivia po qëndron larg kësaj. Ajo nuk dëshiron të bëjë asgjë me këtë situatë”