Thuhet se Reese Witherspoon dhe Tom Brady po dalin bashkë, por si qëndron e vërteta?

GETTY IMAGES

Reese Witherspoon nënshkroi divorcin nga ish-bashkëshorti, Jim Toth, ndërsa Tom Brady u nda para disa muajsh nga Gisele Bündchen dhe krejt papritur, interneti i bëri çift Reese dhe Tom. E gjitha nisi nga një burim për “Deux Moi” dhe siç ndodh zakonisht me thashethemet, morën dhenë.

Por, vetë dy personat që përfliten të jenë në një lidhje, i mohojnë kategorikisht akuzat, madje ata as nuk janë takuar fare dhe secili ishte totalisht në jetën dhe terezinë e vet, derisa erdhi dallga e madhe e internetit.

Reese u nda nga ish-bashkëshorti pak para se të festonin përvjetorin e 12-të së bashku. Ata njoftuan fansat në një postim të përbashkët në Instagram, ku u shprehën:

“Kemi disa lajme personale për të ndarë…Me shumë kujdes dhe konsideratë kemi marrë vendimin e vështirë për t’u divorcuar. Kemi përjetuar kaq shumë vite të mrekullueshme së bashku dhe po ecim përpara me shumë dashuri, mirësi dhe respekt reciprok për gjithçka që kemi krijuar bashkë. Prioriteti ynë më i madh është djali ynë dhe e gjithë familja, ndërsa shkojmë në këtë kapitull të ri. Këto çështje nuk janë kurrë të thjeshta dhe janë jashtëzakonisht personale”, dhe theksuan se e vlerësojnë respektin e privatësisë së tyre në këtë moment.

Ndërsa Tom dhe Gisele u ndanë në fund të tetorit të 2022-shit dhe Tom bëri me dije vendimin në rrjetet sociale. Ai shkroi:

“Gjatë ditëve të fundit, unë dhe gruaja ime finalizuam divorcin pas 13 vitesh bashkë. Arritëm në këtë përfundim në mënyrë shumë paqësore dhe me shumë mirënjohje për kohën që kemi kaluar bashkë. Ne jemi të bekuar me fëmijë të mrekullueshëm që do të vazhdojnë të jenë qendra e botës sonë në çdo lloj forme. Do të punojnë bashkë si prindër për t’u siguruar që ata do të marrin dashurinë dhe vëmendjen që meritojnë. Morëm vendimin për t’i dhënë fund martesës pas shumë gjërave që konsideruam…Ne urojmë vetëm të mira për njëri-tjetrin dhe për çfarë do të ndodhë në kapitujt në vijim…”.