Modestia e socialistëve për të zhvilluar një fushatë zgjedhore pa shpenzime, postera, banera ka zgjatur shumë pak ose aspak. Kur kanë kaluar tre ditë nga nisja e fushatës, kryeqyteti është mbushur me postera me sloganin e PS.

Ishte Rama i cili deklaroi se nuk do të ketë postera e tubime të mëdha, por do të ishte një fushatë me shumë pemë. Këtë Rama ua kërkoi edhe kryebashkiakëve të cilëve iu drejtua me një letër ku iu bëri me dije se do të kishte një donacion me fidanë për çdo bashki, ndërsa kjo e fundit duhet të caktonte perimetrin ku do të mbillen pemët.

Mirëpo, duket se fjalët e Ramës “i ka marrë era” shumë shpejt dhe e gjitha ka qenë një mashtrim.

Posterat me sloganin “Kurrë më mbrapa, vetëm përpara, me imazhin e Ramës dhe dy kundërshtarëve të tij kryedemokratit Sali Berisha dhe kreut të Partisë së Lirisë, Ilir Meta, kanë pushtuar Tiranën.

Banerat i sheh në televizorët e mëdhenj ku shfaqen reklama apo në stacionet e urbanëve.

Rama nuk i qëndroi premtimit të tij për një fushatë modeste pa shpenzime, por nisi dy ditë pas çeljes zyrtare të fushatës zgjedhore, të stampojë fytyrën e tij në çdo cep të Tiranës.