Ka netë kur nuk na zë gjumi edhe pse jemi të lodhur. Orët kalojnë, por sytë nuk na mbyllen. Nisim të shikojmë orën dhe llogaritim sa na ka mbetur derisa të bjerë alarmi. Dhe ky është gabimi i madh që bëjmë, sipas një studimi amerikan.

Doktori Spencer C. Dawson shpjegon se të shikosh orën ndërsa përpiqeni të flini përkeqëson pagjumësinë.

“Njerëzit shqetësohen se nuk po flenë mjaftueshëm. Ata fillojnë të llogarisin se kur duhet të ngrihen. Ky nuk është lloji i aktivitetit që është i dobishëm për të lehtësuar aftësinë tuaj për të fjetur. Sa më i stresuar të jeni, aq më e vështirë do të jetë të bini në gjumë”, shprehet eksperti amerikan.

Për të arritur në këtë përfundim, kërkuesit shkencorë u kërkuan mijëra pacientëve që kanë marrë pjesë në studim të plotësojnë pyetësorët. Në to, përveçse duhet të specifikonin nëse kishin ndonjë lloj diagnoze psikiatrike, atyre iu drejtuan një sërë pyetjesh në lidhje me pagjumësinë që kishin, në lidhje me përdorimin e ilaçeve të gjumit dhe kohën që ata shpenzuan duke parë orën ndërsa po përpiqeshin të binin në gjumë.

Në fund të studimit, eksperti ka ndarë disa këshilla që mund të ndihmojnë njerëzit që vuajnë nga ky problm. Ai kërkon edhe heqjen e orëve nga dhoma e gjumit. Në këtë mënyrë, “efektet negative të pagjumësisë dhe përdorimii i qetësuesve mund të lehtësohen potencialisht”.