Është pjesë integrale e fëmijërisë, po aq sa pelenat apo zvarritja. Për disa mbetet kënaqësi edhe në moshë madhore, një zakon hedonist që disa do ta shijojnë kur janë larg syrit të njerëzve ose thjesht të humbur në mendimet e tyre.

Kruajtja e hundës është një lëvizje automatike e vërejtur në speciet njerëzore dhe të afërmit e tyre, primat. Duket si një zakon fëmijëror, pothuajse i pafajshëm, që në mendjet e shumë njerëzve do të shoqërohet me koncepte të tilla si turp apo neveri. Po në të vërtetë ka lidhje me shëndetin tonë.

Qelizat mukoze të hundës formojnë mukozën, një masë e lëngshme dhe ngjitëse që përgjatë ditës dhe rreth 22,000 cikle frymëmarrjesh, mbledh pluhurin, mikrobet, alergjenët si poleni përpara se të hyjnë në rrugët e frymëmarrjes dhe të shkaktojnë reagimin inflamator të trupit, astmë ose simptoma të tjera të frymëmarrjes.

Në të njëjtën kohë kap edhe substanca të tjera potencialisht të dëmshme si plumbi ose azbesti. Nëse kruani hundën, të gjithë faktorët e dëmshëm do ta kalojnë vijnë e parë të mbrojtjes që është mukoza e hundës. Po ashtu mund të merrni një mikrob të rëndë që quhet Staphylococcus aureus, e që gjendet kryesisht në lëkurë dhe mukozë dhe mund të shkaktojë infeksione të lehta deri në të rënda. Por mund të kthehet në plagë dhe të kalojë në infeksione të rënda.