Për 5 euro mbahen 660 lekë/ Si po grabiten shqiptarët me taksën “Kastrati” tek Rruga e Kombit

Shefqet Kastrati

Euro e mbylli javën me një minimum të ri historik në kursin e këmbimit me Lekun. Sipas kursit zyrtar të këmbimit të Bankës së Shqipërisë, Euro u këmbye të premten me 105.62 lekë. Krahasuar me një vit më parë kursi i këmbimit ka rënë me 12.1%.

Por, duket se kjo “fundosje” e euros nuk njihet tek trarët e vendosur nga koncesionari i “Kastrati Group”, kompani e oligarkut Shefqet Kastratit, në vjeljen e taksës për automjetet.

Siç shihet dhe në foton e mëposhtme, për një veturë ku taksa është 5 euro, mbahen 660 lekë.  Pra, nëse t’i shkon me euro me vete, paguan vetëm 5 euro, por nëse ke lekë shqiptare, tarifa është fikse 660 lekë.

Sipas kontratës, ky kurs është caktuar në momentin e fillimit të mbledhjes së tarifës edhe pse shqiptarët kanë rreth 4 vjet që nuk u duhet të paguajnë 132 lekë për të blerë 1 euro.

Pra, siç shihet me kursin aktual mbahen mbi 100 lekë më shumë. Kjo është një grabitje e pastër që bëhet nga xhepat e qytetarëve.