Lulzim Basha

Lulzim Basha është viktimizuar për sulmet që i janë bërë pas dorëheqjes si kryetar i Partisë Demokratike.

Në një takim me vajza dhe gra në Tiranë, Basha tha se në një vit e gjysmë sakrifikoi gjithçka dhe la mënjanë interesin e tij që t’i jepte kohë politikanëve të reflektonin.

Ai deklaroi se gjatë kohës që u shkëput nga politika e kanë akuzuar e baltosur dhe sulmuar në rrugë e rrjete sociale.

Sipas tij, e gjithë kjo ka ndodhur për shkak se politikanët ishin të frikësuar se ai do sillte shpresën dhe ndryshimin.

“Në 1 vit e gjysmë kam lënë gjithçka, kam sakrifikuar gjithçka, kam lënë mënjanë interesin tim. I kam lënë kohë kokave të ftohen. Kam sakrifikuar çdo gjë, kam marrë përsipër baltën, gjuhën e urrejtjes dhe e dija që sulmet nuk më bëheshin për çështje personale, por për atë që përfaqësoja. Frika ka sjellë këtë agresion ndaj meje, në rrjetet sociale, në rrugë, kudo. Frika e ka bërë”, theksoi Basha.