“Parla piu piano”, kënga e famshme italiane nga filmi “Godfather”, vjen në versionin më të ri, me zërin e fuqishëm të tenorit Mario Karaj. Një super realizim që nuk duhet lënë pa dëgjuar, dhe kjo falë talentit të padiskutueshëm të Mario Karajt, por edhe bashkëpunëtorëve që ai ka zgjedhur.

Për realizimin e këtij versioni të “Parla piu piano”, tenori ka punuar me emra të njohur të muzikës shqiptare, me tenorin me famë botërore Josif Gjepali, me Enis Mullain, Nino Rotën dhe Henri Koçin.

Mario Karaj është i biri i tenorit të njohur shqiptar Ruzhdi Karaj dhe ka trashëguar nga ai vlerat dhe talentin e tij.

Kujtojmë që Mario Karaj është drejtor i Përgjithshëm i Spitaleve Amerikane në Shqipëri. Ai ka kryer studimet në degën e Ekonomikut dhe MBA në Administrim Biznesi në kolegjin Bernard Baruch College në Manhattan, New York City.