“Unë jam në punë për të bërë shtet në shëndetësi, ti je në punë për “të rrjepur pula”!”- Të tillë reagim ka pasur kryeministri Edi Rama vite më parë, për koncesionin e hetuar të sterilizimit në shëndetësi që u pasua nga 8 arrestime zyrtarësh sot, reagim nervoz gjatë një interviste me gazetarin Ylli Rakipi më 7 prill 2017.

Rakipi e ka pyetur hapur kryeministrin  që në nisje të emisionit “Të paekspozuarit” për koncensionin e sterilizimit dhe se si 100 milionë dollarë (tha ai)  i janë dhënë një emigranti shqiptar, Ilir Rapajt, me një kompani me vetëm një të punësuar dhe 1500 euro kapital!!!

Por, Rama, ‘i armatosur’ me gërshërë të vjetra gjinekologjike, të thyera, që i kishte sjellë në studio për të ilustruar rëndësinë e këtij koncesioni në shëndetësi, duke i cilësuar denoncuesit e opozitës si “agallarët e katundit” është përpjekur me të gjitha format e artit që t’i mbushë mendjen, gazetarit, për rëndësinë e madhe bashkë me krenarinë që ndiente për atë vendim që kishte marrë.

“Unë jam këtu për të bërë punë punë në shëndetësi, ti je për “të rrjepur pula!” – e sulmon Rama, gazetarin edhe në pjesën e dytë, pasi ai nuk po hiqte dorë nga pyetjet e tij. Dhe pjesa më kulminante, ku Rama sërish i dredhoi përgjigjes, ishte pyetja fare thatë dhe e thjeshtë e Ylli Rakipit për 100 milionë dollarët e këtij koncensioni.

“Ore, ia ke dhënë një njeriu me 1 500 euro kapital!!! Pose s’ma jep mua konçensionin e sterilizimit?! Unë të vë më shumë, 150 mijë euro!!!” – i tha me pafajësi gazetari, duke u përpjekur ta bindë kryeministrin e konçensioneve. /Syri/

Kliko linkun për të parë videon