Cristiano Ronaldo në një intervistë të fundit ka folur për armiqësinë midis fansave të tij dhe të Lionel Messit. Portugezi u shpreh se të dy kanë ndryshuar historinë e futbollit dhe midis tyre nuk ka asgjë tjetër përveç respektit.

“Nuk e shoh si rivalitet. Nëse ju pëlqen Cristiano, nuk keni pse ta urreni Messin dhe anasjelltas. Ne ndamë të njëjtën skenë për 15 vjet. Ndryshuam historinë e futbollit. Nuk po them se jemi miq, por ka respekt të ndërsjellë. Trashëgimia jeton, “rivaliteti” jo. Njerëzit e shijuan, ishte shumë mirë”, tha CR7 duke iu referuar Messit.