Lidhu me ne

Sport

Tifozët e pështynin në rrugë: David Beckham rrëfen për momentin më të errët të karrierës

Tifozët e pështynin në rrugë: David Beckham rrëfen

David Beckham mund të jetë tërhequr nga futbolli në vitin 2013, por ai mbetet një nga sportistët më të famshëm në planet. Shkëlqimi, rënia e tij dhe shkëlqimi sërish, nga një lojtar i Manchester United në një superyll global, është dokumentuar në serialin e ri të Netflix, “Beckham”. Në të flitet ndër të tjera për një moment kritik. Përtej të gjitha momenteve magjike që Beckham shijoi në fushën e futbollit, pati një incident që kërcënoi të errësonte karrierën e tij: kur mori një karton të kuq në Kupën e Botës në vitin 1998.

Pak detaje sportive dhe historike: Pavarësisht se janë në kontinente të ndryshme, Anglia dhe Argjentina në futboll kanë pasur një rivalitet të madh ndër dekada dhe disa nga fitoret e tyre ndaj njëra-tjetrës kanë qenë temë debati.

Kur Anglia dhe Argjentina u përballën në raundin e 16-të në Kupën e Botës 1998, Beckham mori një karton të kuq në rezultatin 2-2 dhe u përjashtua nga ndeshja. Diego Simeone i Argjentinës fillimisht e rrëzoi Beckham-in dhe kur u ngrit në këmbë, e preku te koka David-in, kur ylli britanik ishte i shtrirë me fytyrën poshtë.

Tifozët e pështynin në rrugë: David Beckham rrëfen

Si kundërpërgjigje, Beckham – i cili ishte ende në tokë – nxori këmbën dhe Simeone u rrëzua. Arbitri i dha karton të kuq Beckham-it. Anglia duhej të luante pjesën tjetër të ndeshjes me 10 lojtarë kundër 11 të Argjentinës. Ndeshja shkoi në kohë shtesë dhe penallti. Si përfundim, fitoi Argjentina 4-3.

Tifozët e pështynin në rrugë: David Beckham rrëfen

Beckham u përball me reagime të ashpra nga tifozët dhe mediat angleze pas ndeshjes. Një titull nga Daily Mirror e përshkroi ekipin si “10 luanë heroikë, një djalë budalla”. Ndërkohë, Beckham mori kërcënime me vdekje nga fansat. Një figurë e tij u var jashtë një bari në Londër.

Tifozët e pështynin në rrugë: David Beckham rrëfen

Kur u kthye me Manchester United pas Kupës së Botës, menaxheri i skuadrës Sir Alex Ferguson u godit me gurë dhe gota birre, ndërsa tifozët bërtisnin, “Ne e urrejmë Beckham-in” dhe “Zhgënjeve vendin tënd”.

Beckham tha se ndihej i zhgënjyer nga shokët e skuadrës që nuk e mbështetën pas kartonit të kuq. Ai tha, “Ndoshta është e ashpër të thuash se ende ndihem i zhgënjyer nga kjo. Unë kthej kohën prapa në atë moment dhe ne ishim të rinj. Po, kam bërë një gabim, por ka njerëz të caktuar në skuadra dhe në futboll që ju prisni t’ju mbështesin pa marrë parasysh se çfarë.”

Tifozët e pështynin në rrugë: David Beckham rrëfen

Sidoqoftë, Ferguson ishte një nga njerëzit e parë që ofroi mbështetje. “Në mëngjes më pas, [Ferguson] më telefonoi herët dhe më tha, ‘A je mirë bir?’ I thashë po. Dhe ai thjesht tha, ‘Mos u shqetëso, largohu për disa javë…kthehu në klub dhe na ke ne’. Kjo ishte gjithçka që më duhej të dëgjoja”.

Miku dhe partneri i biznesit i Beckham, David Gardner, tha se ai kujton njerëzit që pështynin David Beckham-in në rrugë ose godisnin xhamat e makinës në semafor.

Beckham kaloi një periudhë të errët depresioni; gjithë çfarë përjetoi ishte ekstreme. “I gjithë vendi më urrente,” tha ai. Ish-futbollisti shtoi se ende e ndëshkon veten për kartonin e kuq 25 vjet më vonë.

Anglia dhe Beckham u hakmorën katër vjet më vonë. Të dy skuadrat u përballën në fazën e grupeve të Kupës së Botës 2002 kur Beckham ishte kapiten i Anglisë. Ai shënoi golin e vetëm të Anglisë dhe skuadra fitoi 1-0. Si rezultat, Argjentina u eliminua.

Tifozët e pështynin në rrugë: David Beckham rrëfen

Beckham nisi të adhurohej sërish në sytë e shumë tifozëve pasi shënoi golin e fitores. The Times shkroi të nesërmen se ylli i futbollit “u zgjua me aureolën e tij më të ndritshme se kurrë”.

MË TEPËR

Mix19 orë më herët

Sekretet e një martese të lumtur

Ka nga ato çifte, që pas 10-15 vitesh martesë ia kanë dalë të qëndrojnë bashkë, të lumtur e të kënaqur. Po cili është çelësi për...

Mix19 orë më herët

Shenjat paralajmëruese të një marrëdhënie toksike

Shoqëria na ka mësuar të varemi emocionalisht nga partnerët tanë, kur, në fakt, një marrëdhënie e qëndrueshme duhet të përfshijë...

Mix19 orë më herët

5 sinjale që tregojnë një marrëdhënie toksike

Për fat të keq, ka njerëz që janë shumë kritik, negativë nga natyra, që do të thotë se ata nuk...

Mix19 orë më herët

Pse disa njerëz bien në dashuri menjëherë…

Është e lehtë të pëlqesh dikë, kur “ka kimi” se krijohet një magji e caktuar që shkakton tërheqjen. Le të...

Mix19 orë më herët

Sa ndikon stresi i nënës në shëndetin e fëmijës?

Një projekt i ri i krijuar nga “Lifecycle” ka pasur si qëllim pikërisht zbulimin e lidhjes së mundshme që mund...

Mix19 orë më herët

Si të shpëtoni nga mendimet negative?!

Jo rrallëherë ndodh që pronarët e bizneseve, të punojnë më shumë se sa duhet. Duke punuar dhe mbi 80 orë...

Mix19 orë më herët

15 thënie frymëzuese të Kobe Bryant, nga karriera e tij legjendare

Për të kujtuar Kobe Bryant, ju sjellim në vëmendje jetën dhe trashëgiminë e tij përmes thënieve të tij motivuese. Kobe...

Mix19 orë më herët

Sipas ekspertëve të shëndetit mendor, bëni këto 4 gjëra çdo ditë për të qenë më të lumtur dhe elastik mendërisht

“Njerëzit duhet të kuptojnë se të qenit “elastik mendërisht” do të thotë që po përjetoni diçka në një nivel të...

Sport19 orë më herët

10 muzetë më të mirë të futbollit në Europë

Më 14 qershor nisi në Gjermani, Kampionati Europian i Futbollit, Euro 2024. Është e vështirë të mos përfshihesh nga emocionet...

Mix19 orë më herët

Barcelona ndalon turistët e huaj të marrin apartamente me qira deri në vitin 2028

Barcelona, ​​një destinacion kryesor spanjoll për pushime, njoftoi se do të ndalojë marrjen me qira të apartamenteve për turistët deri...

Facebook