Ndarja e çmimeve Oscar është një nga evenimentet më të rendësishme të botës së kinematografisë, po ashtu edhe rrëmbimi i këtij çmimi, për filmin më të mirë, aktorët për rolin më të mirë etj. Por, jo domosdoshmërisht nominimi për një Oscar e bënë në mënyrë direkte një film të mirë.

Nëse do të diskutonim pothuajse  për çdo film të ri  me superhero, kategorikisht ky film  fiton një nominim falë realizimeve  teknike ose  grimit, ndërsa filmat e animuar pranohen për shkak të numrit të ulët të cilat ofrohen në një vit të caktuar.

Kjo do të thotë se filma si ‘DC’s Suicide Squad’ mund të jenë gjykuar  nga kritikët, por prapë do të njihen nga Akademia, gjë e cila duket  ironike për faktin se kur diskutohet për klasikët si;

“The Good, The Bad and Ugly & The Shining” – nuk janë nominuar  kurrë.

Për këtë gjë ka shkruar edhe gazeta e famshme ‘ The independent’ duke bashkangjitur një listë të gjatë  të  disa filmave mjaft të mirë dhe interesant në botën e madhe të kinematografisë, por që nuk janë nominuar asnjëherë për Oscar.

1.      American Honey (2016)

 Nga shfaqja si një kërcimtare mbështetëse në ‘Top of the Pops’ deri te fitimi i një Oskari për regjisorin më të mire, do të kishte qenë një trajektore e shkëlqyer për Andrea Arnold pas publikimit të ‘American Honey’ , një dramë që ndjek një vajzë adoleshente (Sasha Lane) që gjendet  në turmën e gabuar. Dita e Arnoldit mund  dhe duhet të vij në vijimësi.

2.      American Psycho (2000)

Me protagonist fituesin e ardhshëm të Oskarit, Christian Bale ky film është  adaptuar nga Mary Harron pjesë e  romanit të Bret Easton Ellis – në të cilin aktori luan rolin e psikopatit, Patrick Bateman. Ky film nuk mori asnjë nominim.

3.      Babyteeth (2019)

Ky film është  xhiruar në vitin 2019, por u shfaq në SHBA në vitin 2020 dhe ishte një nga filmat më të mirë të vitit. Aktorët kryesorë të  filmit – Eliza Scanlen, Toby Wallace, Essie Davis dhe Ben Mendelsohn – të gjithë merituan nominime për aktrim, por me sa duket votuesit nuk e panë kurrë atë.

4.      Before Sunrise (1995)

 Dy kapitujt e fundit të triologjisë “Para…” të Richard Linklater fituan nominimin për skenar dhe  ky ishte  filmi që prezantoi botën me çiftin e ardhshëm të martuar Jesse (Ethan Hawke) dhe Céline (Julie Delpy) e cila u anashkalua në mënyrë dredharake.

5.      The Big Heat (1953)

 Fritz Lang, pati një numër filmash të anashkaluar nga Akademia. Filmi me protagonistë Glenn Ford, Lee Marvin dhe Gloria Grahame, është një film që do të prisnit të kishte qenë i nominuar, por përkundrazi nuk mori asnjë nominim.

6.      The Big Lebowski (1998)

Bujaria e Akademisë ndaj vëllezërve Coen arriti kulmin kur ‘No Country for Old Men’ mposhti ‘There Will Be Blood’ në një nga garat më të afërta të ceremonisë për filmin më të mirë të të gjitha kohërave.  Ende  është për t’u habitur që një nga filmat e tyre të paktë që i shmanget çdo nominimi është kjo komedi pafundësisht e cituar me Jeff Bridges në rolin e ‘The Dude.’

7.      The Big Lebowski (1998)

Brian De Palma nuk bën saktësisht filma me shpresën për të fituar çmime, por thrilleri i tij politik – i bazuar në ‘Blow U’p të Michelangelo Antonionit – do të kishte merituar çdo Oscar për të cilin ishte nominuar.

8.      The Big Lebowski (1998)

Dështimi për të marrë një nominim është dëshmi se përse Oscars nuk gjeneron respekt të madh në komunitetin e filmit. Pavarësisht se është një nga filmat më të studiuar në botë, kryevepra franceze e Jean Luc-Godard ka një çmim Oscar prej zero.

9.      Bringing Up Baby (1938)

 Akademia shpërbleu shumë komedi të shquara gjatë viteve, megjithëse kjo komedi e drejtuar nga Howard Hawks me Cary Grant dhe Katharine Hepburn – të cilët do të vazhdonin të mbanin rekordin për shumicën e fitoreve – nuk ishte një prej tyre.

10.  Don’t Look Now (1973)

 Duket se Oscars kishte vend vetëm për një film horror në ceremoninë e vitit 1973, me ‘The Exorcist’ që fitoi dy Oscar atë vit, pavarësisht se filmi i Nicolas Roeg-it në Venecia nuk arriti të siguroj një nominim të vetëm. Në fakt, Nicolas Roeg i cili drejtoi këtë film  të vendosur në Venecia, është një nga regjisorët më të anashkaluar padrejtësisht në historinë e Oscars.