Lidhu me ne

Sport

Jurgen Uldedaj, boksi dhe jeta jashtë ringut!

Ekskluzive/ Jurgen Uldedaj, për boksin dhe jetën jashtë ringut!

Nga Nada Biraçi

Fotografia: Andis Rado

Veshjet: Reiman

Sapo ka siguruar fitoren e 16-të në karrierën e tij, ku në sallën e legjendave të boksit elitar “York Hall” në Londër, Jurgen Uldedaj shfaqi gjithë potencialin e tij ndaj kundërshtarit. Me këtë fitore, boksieri 26-vjeçar është nisur tashmë drejt së pakthyeshmes rrugë: atë të shpalljes kampion bote!

Jurgen, urime! Pak ditë më parë, fituat një ndeshje shumë të vështirë dhe të rëndësishme për karrierën tuaj. Si ndiheni?

Faleminderit! Është ndjesi e paharrueshme. Çfarëdo përshkrimi t’i bëj unë momentit të një fitoreje, nuk mund t’ua përçoj dot me fjalë atë ndjesi.

Ekskluzive/ Jurgen Uldedaj, për boksin dhe jetën jashtë ringut!

Kujt ja dedikoni fitoren?

Fitoren ia dedikoj familjes sime, njerëzve të zemrës dhe skuadrës sime, për mbështetjen e tyre të palodhur, si dhe dashamirësve të mi.

Çfarë kalon në kokën e një boksieri, sapo vë këmbën në ring?

Në momentin e hyrjes në ring, më vijnë në mendje si mirazhe të gjitha imazhet e vështirësive, që më është dashur të kaloj për të ardhur deri aty, dhe ky është pikërisht çasti që shpirti im është i fokusuar, i përgatitur dhe i gatshëm për sfidë.

Ekskluzive/ Jurgen Uldedaj, për boksin dhe jetën jashtë ringut!

A keni ndonjë ritual para ndeshjes, mbani ndonjë hajmali apo bën ndonjë lutje?

Patjetër që po! Unë jam besimtar dhe përpara çdo ndeshje marr kohën time, për të bërë lutjet e mia.

Për pjesën më të madhe të boksierëve, ky sport ka lindur në rrugë, gati-gati si mënyrë mbijetese për vetëmbrojtje. Për Jurgenin, si ka nisur?

Fillimisht, edhe për mua boksi nisi si një mjet vetëmbrojtjeje, pasi kam qenë një fëmijë i prapë dhe mbipeshë. Boksin e shikoja dhe si një rrugë për t’u përmirësuar dhe rënë nga pesha.

A keni një idhull në boks?

Boksi ka shumë yje dhe figura të mëdha, por inspirim i madh për mua ka qenë Usyk, Canelo dhe Roy Jones Jr.

Ekskluzive/ Jurgen Uldedaj, për boksin dhe jetën jashtë ringut!

Ky sport kërkon gjakftohtësinë, për të mos lejuar keqardhjen të ‘ndërhyjë’ në lojë, teksa godet kundërshtarin! Si arrihet kjo psikologjikisht, nga një boksier?

(Qesh) Për këtë kam një shprehje, që më pëlqen shumë: “Më mirë të qajë nëna jote, sesa e imja”! Për të patur gjakftohtësinë e duhur në ring, përqendrohem tek objektivi im, duke mos lejuar emocionet të ndikojnë në performancë.

Ju ka ndodhur të përdorni teknikat e boksit, jashtë ringut?

Teknikat e boksit zakonisht përdoren brenda ringut për ndeshjet zyrtare. Megjithatë, ndonjë teknikë edhe është aplikuar, kur është dashur për vetëmbrojtje (qesh).

Si ndikon te ju personalisht, prezenca e familjarëve në një ndeshje?

Në fillimet e mia e kam patur presion shumë të madh, dhe mundohesha të mos ndeshja shikimet e tyre gjatë ndeshjes, për të mos u shpërqendruar. Por tani jam mësuar dhe prezenca e tyre në ndeshje, më është kthyer në forcë.

Ekskluzive/ Jurgen Uldedaj, për boksin dhe jetën jashtë ringut!

Ka patur ndonjë familjar, që ju ka thënë “mos e bëj këtë sport”?

Në fillimet e karrierës sime në boks, prindërit kanë qenë shumë të shqetësuar dhe nuk donin që të futesha në këtë sport, për shkak të vështirësisë dhe rreziqeve që ky sport mbart. Por me kalimin e kohës, duke parë pasionin, përkushtimin dhe vendosmërinë time, ata u bënë mbështetja ime më e madhe, të cilët përpos merakut që sigurisht e kanë gjithmonë, janë gjithmonë me mua për të më dhënë forcë për fitoret e mia.

Sot jeni vetëm 26 vjeç, në një të ardhme cila do të ishte ajo arritje, që do të të plotësonte në këtë sport?

Synimi im në të ardhmen, është të bëhem një nga boksierët më të mirë në nivel botëror dhe të mbroj titullin tim. Sigurisht dhe ca miliona në bankë, nuk bëjnë keq (qesh).

Duket se grintën e ‘dyluftimit’ e lë për në ring, pasi së jashtmi të jepni përshtypjen e një djali paqësor dhe shumë kavalier?

Faleminderit, po e marr si kompliment! Gjithsesi dhënia e imazhit të një djali paqësor dhe kavalier jashtë ringut, është një zgjedhje personale për mua, pasi jam rritur në një familje ku kultura, mikpritja dhe normat shoqërore janë thelbësore.

Çfarë bën Jurgeni në kohën e lirë, cilat janë pasionet e tua?

Në kohën e lirë preferoj të dal shëtitje në natyrë me qenin tim, i cili është terapia ime më e mirë, kuptohemi me sy (qesh).

Udhëtoni më shumë për punë apo për qejf?

Me se shumti udhëtoj për punë, por kur kam mundësi më pëlqen të eksploroj vende të reja.

Cili është vendi më impresionues që keni parë?

Hmm, Las Vegas më ka lënë mbresa të shumta. Ky qytet është konsideruar si kryeqyteti i boksit, pasi ka arenat më të njohura në botë, si MGM Grand Garden Arena. Atmosfera dhe spektakli i krijuar në këtë qytet, bën që çdo ndeshje të jetë një ngjarje e paharrueshme për boksierët dhe tifozët e tyre.

Ekskluzive/ Jurgen Uldedaj, për boksin dhe jetën jashtë ringut!

Jeni i dhënë pas modës? Cilat janë brandet që pëlqeni më shumë?

Nuk jam shumë i përfshirë në modë, por pëlqej veshjet e rehatshme dhe pa shumë logo.

Cili është gatimi juaj i preferuar?

Preferoj një supë shumë të thjeshtë, por me shumë vlera ushqyese dhe shumë dashuri. Ajo është supa e pulës, e gatuar nga duart e nënës sime.

Më thoni një mesazh për djemtë e vegjël, që e pëlqejnë boksin. Çfarë duhet të dinë dhe të kenë parasysh ata?

Për djemtë e vegjël që pëlqejnë boksin, do t’ju thoja kujdesuni për shëndetin tuaj, disiplinoni veten dhe ndjehuni të lirë, të ndiqni ëndrrat tuaja. Boksi është shkollë për jetën.

/Bordo

MË TEPËR

Mix1 ditë më herët

Videoja virale nga Festivali i Kanës: Kelly R shpërthen ndaj sigurisë

Kelly Rowland u pa duke qortuar një roje sigurie në Festivalin e Filmit në Kanë 2024 të martën. Fillimisht, ish-anëtarja e Destiny’s...

Mix1 ditë më herët

Billie Eilish flet për raportin me Jesse Rutherford pas ndarjes

Gjërat janë ende mirë mes Billie Eilish dhe Jesse Rutherford. Sipas një fragmenti të pabotuar nga kopertina e saj e...

Mix1 ditë më herët

Sean “Diddy” Combs përballet me një padi të re

Sean “Diddy” Combs po përballet me një tjetër padi për sulm se*sual. Ish-modelja Crystal McKinney pretendon se reperi  e detyroi...

Mix2 ditë më herët

Braktisi Italinë për Shqipërinë pas 30 vitesh, Beniada Nishani rrëfen arsyet

Modelja e njohur Beniada Nishani ka treguar se ishte vetëm 3 vjeç e gjysmë kur së bashku me familjen u...

Aktualitet2 ditë më herët

Një provokim pa shije në tarracën e një bashkie

Dom Gjergj Meta Merret vesh lehtë se ky është një provokim, i kërkuar, i mirëmenduar dhe i mirorganizuar nga lobe...

Mix2 ditë më herët

Nektarina apo pjeshkë? Ndryshimet dhe efektet shëndetësore të frutave të stinës

Pjeshkët dhe nektarinat janë dy varietete të së njëjtës specie. Ndryshimet midis këtyre dy varieteteve kanë të bëjnë sidomos me...

Radar2 ditë më herët

Pasuese e Berishës? Argita e pranon: Jam gati të marr drejtimin e PD

Edhe pse tha se nuk ka asnjë plan konkret, Argita Malltezi u shpreh në A2 CNN se është e gatshme...

Radar2 ditë më herët

“Pushteti i drejtësisë ishte marrë peng”, Spiropali: Opozita në mëngjes kërkon drejtësi nga SPAK, në darkë dalin poshtë ballkonit të Berishës

Elisa Spiropali, ministre për Marrëdhëniet me Parlamentin, foli për Prokurorinë e Posaçme, duke e quajtur si diçka të re në...

Mix5 ditë më herët

Celine Dion publikon foton e rrallë me dy binjakët e saj 13 vjecarë!

Së fundmi, Celine Dion, e cila është larguar prej kohësh nga qendra e vëmendjes për shkak të problemeve shëndetësore, ka...

Mix5 ditë më herët

Meghan Markle thuhet se është në panik, një dokumentar i ri do të zbulojë detaje tronditëse nga martesa e saj e parë!

Meghan Markle, sot Dukesha e Sussex prej martesës së saj me Princ Harry, ka një të kaluar pak të njohur...

Facebook