Lidhu me ne

Sport

Granit Xhaka: Historia e një lojtari që refuzoi të dorëzohet

Shkruhet “Granit Xhaka”, lexohet “Talent, Këmbëngulje dhe Frymëzim”.

Historia e tij meriton të shkruhet jo në artikuj, por në libra. Jo se është një nga shqiptarët më të suksesshëm me arritjet e të cilit krenohemi të gjithë, por se figura e tij përfaqëson më shumë se vetëm një lojtar futbolli.

Ndër lojtarët e rrallë që ka mishëruar kaq shumë turbulenca, por ia doli t’i kapërcejë me sukses e të fluturojë lart.

Në verën e vitit 2016, Xhaka u bë – në atë kohë – nënshkrimi i tretë më i shtrenjtë i Arsenalit pas Mesut Özil dhe Alexis Sánchez.

25 maj 2016 do ishte hapja e një kapitulli shtatë vjeçar në Emirates plot ngjarje, ulje-ngritje, sfida, përballë të cilave shumëkush mund të ishte dorëzuar.

Para Mikel Artetës, marrëdhënia mes Xhakës dhe tifozëve të Arsenalit ishte le të them toksike. Në një fazë dukej e pariparueshme. Gabimet dhe incidentet deri-diku i rrënuan gjashtë sezonet e tij të para në klub. Nga nënshkrimi me Gunners në 2016 deri në fund të 2021-22, Xhaka bëri më shumë gabime që çuan në golat e kundërshtarëve (tetë) se çdo lojtar tjetër në ‘Premier League’, dhe asnjë lojtar nuk u largua nga fusha e blertë me karton të kuq (katër) dhe nuk shkaktoi më shumë penallti (gjashtë ) se ai gjatë kësaj periudhe.  Asokohe, të shikoje Xhakën ishte si të shikoje një bombë me sahat.

Sigurisht, kjo periudhë nuk ishte e gjitha skëterrë. Xhaka luajti një rol kyç në fitoret e ‘FA Cup’ në 2017 dhe 2020.

Midis këtyre dy triumfeve ndodhi një nga momentet më të errëta të epokës së Xhakës në Emirates ishte ndeshja famëkeqe përballë Crystal Palace në 2019. Zëvendësimi i Xhakës në këtë ndeshje u prit me brohoritje nga tifozët e tij, të cilëve ai u përgjigj me gjeste. Ky ishte një nga ato momente, i ngjashëm me shpërthimin famëkeq të Eric Cantona-s në Selhurst Park në 1995, që do të hynte në historinë e Premier League për të gjitha arsyet e gabuara. Mallkimi i shiritit të kapitenit të Arsenalit kishte goditur sërish.

Në atë kohë, ishte e vështirë të imagjinohej që Xhaka të luante përsëri për Arsenalin. Mendimi se ai do të rindërtonte karrierën e tij në Londër dhe gooners-at të këndonin emrin e tij ishte i paimagjinueshëm…

Boom!

E paimagjinueshmja ndodhi! Një lojtar që dikur shihej si një mesfushor kaotik dhe nganjëherë katastrofik, u shndërruar në një nga forcat kryesore të Topçinjve. Narrativa filloi të ndryshonte. I kritikuar shumë nga fansat dhe mediat, Xhaka – për herë të parë në karrierën e tij në Arsenal –filloi të vlerësohej për paraqitjet e tij.

Arsyeja pas kësaj? Besimi që Mikel Arteta i dha.

“Ai është një person i veçantë. Ai është shumë i drejtë, është shumë i sinqertë, është shumë besnik dhe është shumë i apasionuar pas asaj që bën. Ai ka bërë disa gabime dhe ka mësuar prej tyre, duke u përballur gjithmonë me vështirësi dhe duke mos ikur kurrë prej tyre. Kjo është ajo që të gjithë trajnerët duan nga lojtarët e tyre. Ti e di se mund të mbështetesh tek ai, ai do të luftojë dhe do të thyejë mure për ty.”- Mikel Arteta për Granit Xhakën

Dhe ja ku vjen “Granit Xhaka 2.0”, lojtari që duhej të ishte gjithmonë dhe më në fund u shfaq falë evolucionit taktik të Artetës. Lojtari i vetëm mbi 30 vjeç që ishte titullar i rregullt në skuadrën e Artetës. Me ose pa shiritin e kapitenit, Xhaka mbeti lider, në kohët e mira dhe në ato të këqija. Xhaka filloi të luante orkestratorin, ndërsa pas humbjes në St James’ Park në fund të sezonit 2021-2022 – kur ngelën jashtë ‘Champions League’ –ishte ai që u ngrit për t’u përballur me mediat dhe kritikët.

Xhaka e përfundoi sezonin me një dygolësh kundër Wolves në ndeshjen e tij të fundit me Arsenalin, me një total prej 9 golash dhe 7 asist, shifra e tij më e lartë. Ai u largua si një figurë e dashur, kyçe në Arsenalin e ri të Artetës; ai që mblidhte shokët e tij të skuadrës pas çdo goli të shënuar dhe i nxiste të gjithë të mbanin kokën lart dhe të vazhdonin kur pësonin gola. Përmes vendosmërisë dhe këmbënguljes së plotë, ai arriti të rishkruante historinë e tij në klub.

Largimi nga Arsenali në fund të 2023 ishte zgjidhja e duhur, por askush nuk mund ta imagjinonte atëherë suksesin e tij dhe Bayer Leverkusen.

Ky sezon ka qenë një masterclass i vërtetë për Xhakën, i cili ka qenë një nga figurat kyçe dhe lojtarët më të rëndësishëm të Bayer Leverkusenit.

Granit Xhaka barazoi një rekord unik të UEFA-s të enjten mbrëma pasi Bayer Leverkusen rezervoi vendin e tyre në finalen e Ligës së Evropës.

Në gjysmëfinalen e “Europa League” përballë Romës ai arriti një rekord mbresëlënës. Mesfushori me origjinë kosovare u vlerësua futbollisti me notën më të lartë te Leverkusen, dha 1 asist, 90 pasime të sakta nga 98 gjithsej, fitoi 6 nga 8 duele, dhe krijoi 10 raste nga loja e hapur, duke barazuar rekordin e ish-playmakerit të Chelsea dhe Manchester United, Juan Mata, i cili shënoi të njëjtën arritje për Valencia kundër Club Brugge në 2010.

Bayer Leverkusen është sot një nga skuadrat më të frikshme në botë me 50 ndeshje pa humbje në Gjermani e në garat Evropiane.

33 ndeshje në Bundesliga, 27 fitore e 6 barazime, pa humbje. Kapiteni i Zvicrës është paraqitur në 46 ndeshje deri tani dhe ka kontribuar me dy gola e tre asist. Pak javë më parë ai festoi kurorëzimin kampion të Bundesligës për herë të parë në histori të Leverkusen.

Edhe dy finale i presin para: Më 22 maj në Dublin Bayer Leverkusen do përballet me Atalantën. Dhe tri ditë më pas, 25 maj, ajo me Kaiserslautern në Kupën e Gjermanisë.

Janë në garë në të gjithë frontet për një mbyllje perfekte këtij sezoni spektakolar. 

Historia e Xhakës është një histori që ka pasur gjithçka, e ka lënë me gojëhapur edhe skeptikët më të mëdhenj. Ai po jeton një ëndërr këtë sezon, e po bën mijëra të rinj të ëndërrojnë.

Ringritja e tij është po aq mahnitëse e frymëzuese sa ajo e Tyson Fury apo David Beckham.

Historia e tij ju fton të vazhdoni, edhe kur është e lehtë…edhe kur jeni në dhimbje… sepse nuk ka rrugë tjetër. Çdo moment është një lindje e re. Një shans i ri për të rilindur, për të marrë atë që meritoni.

Vazhdo leximin

MË TEPËR

Mix1 ditë më herët

Donald Trump e pranon: Kam dalë në publik me fjalim të përgatitur nga Inteligjenca Artificiale, ishte shumë i mirë

Donald Trump ka treguar se një fjalim që ka mbajtur gjatë kohës që ka qenë president, e ka riprodhuar nëpërmjet...

Mix1 ditë më herët

Vila ku kanë jetuar Joe Biden, Barack Obama dhe Bill Clinton del në shitje, pamjet madhështore

Ka prona që mishërojnë histori, si për shembull vila në Georgetown, Washington, e ndërtuar rreth vitit 1891, ku kanë jetuar...

Mix1 ditë më herët

Jessica Alba tregon sekretin për një martesë të lumtur

Pas 16 vjetësh martesë, Jessica Alba ka mësuar një ose dy gjëra si të mbajë gjallë marrëdhënien dhe harmoninë me...

Mix1 ditë më herët

George dhe Amal Clooney po shkojnë drejt divorcit?

Martesa e George dhe Amal Clooney po merr fund? Burimet raportojnë se aktori 63-vjeçar dhe Amal Clooney janë nën presion...

Mix1 ditë më herët

Nisur nga Pamela Anderson: Pse duhet t’i flasësh vetes para pasqyrës?

GETTY IMAGES Pamela Anderson ka publikuar librin e saj me kujtime “Love, Pamela” dhe dokumentarin në Netflix “Pamela, A Love...

Mix1 ditë më herët

Fruti më i mirë që ju ndihmon të keni një bark të sheshtë!

Përpjekja për të humbur peshë mund të jetë një udhëtim i vështirë, veçanërisht nëse po përpiqeni të hiqni dorë nga...

Mix1 ditë më herët

Ariana Grande “bën paqe” me Scooter Braun?

Ariana Grande do të vazhdojë të punojë me Scooter Braun dhe kompaninë e tij  Hybe – më pak se një...

Mix1 ditë më herët

Bebe Rexha shpërthen kundër G-Eazy: “Dështak mosmirënjohës”

Bebe Rexha ka shpërthyer kundër ish-bashkëpunëtorit të saj në hitin “Me, Myself & I”, G-Eazy, duke e quajtur “dështak mosmirënjohës”....

Mix1 ditë më herët

Nicole Kidman konfirmon vazhdimin e “Practical Magic”

Nicole Kidman konfirmoi zyrtarisht se ajo dhe Sandra Bullock po kthehen për një vazhdim të “Practical Magic”. Aktorja e “Big...

Mix1 ditë më herët

Kate Middelton njofton daljen e parë publike pas diagnostifikimit me kancer: Po bëj përparim me kurimin e sëmundjes

Pas diagnostifikimit me kancer disa muaj me pare, Princesha e Uellsit, Kate Middelton, njoftoi sot se po “përparon” në rrugën...

Facebook