Mix
Çfarë duhet të dini për alergjinë e gojës?
Nëse fëmija juaj ka alergji sezonale dhe gjithashtu goja e tij irritohet pas ngrënies së disa frutave ose perimeve të papërunuara, ai mund të ketë sindromën e alergjisë së gojës.
“Është një reagim mjaft i zakonshëm por nuk është i rrezikshëm si alergjitë e tjera ushqimore”, thotë mjekja Jeffrey Factor.
Fëmijët alergjikë ndaj polenit mund të reagojnë ndaj mollës së papërpunuar, pjeshkës dhe selinosë. Kjo ndodh sepse ushqimet kanë proteina të ngjashme me ato që shkaktojnë alergjitë.
Ja se çfarë duhet të dini:
- Mund të zhvillohet herët. Fëmijët rreth 4 vjeç që vuajnë nga alergjitë, mund të ankohen se kanë gojën ose fytin të acaruar pasi hanë ushqime të tilla. Por kjo nuk ndodh me fëmijët deri në 3 vjeç, sepse atyre u duhet të ekspozohen disa sezone ndaj polenit për t’u bërë alergjikë.
- Simptomat janë të lehta. Irritimi rreth gojës, ose një enjtje e lehtë e buzëve nuk janë shqetësuese. Reagimi rrallë zhvillon simptoma më të rënda.
- Nuk është një alergji e vërtetë ushqimore. Me një alergji të rëndë ushqimore, një fëmijë reagon kur një ushqim është gatuar ose i papjekur. Kjo sindromë ndodh vetëm me fruta të papërpunuara ose perime.
Vazhdo leximin
