Mix
Adidas heq dorë nga fushata me Bella Hadid pas kritikave
“Adidas” ka hequr dorë nga fushata me modelen Bella Hadid pas kritikave.
Kompania njoftoi se do të “rishikojë” reklamën e saj të fundit e cila shfaqte modelen për të nderuar përvjetorin e 52-të të Lojërave Olimpike të Mynihut.
Gjatë Lojërave Verore të vitit 1972, 11 atletë izraelitë dhe një polic gjerman u vranë nga një grup militant palestinez. Adidas kërkoi falje për referencën “e paqëllimshme” të sulmit terrorist në një deklaratë.
“Ne jemi të vetëdijshëm se janë krijuar lidhje me ngjarje tragjike historike – megjithëse këto janë krejtësisht të paqëllimshme – dhe kërkojmë falje për çdo shqetësim të shkaktuar” tha Adidas.
“Si rezultat ne po rishikojmë pjesën e mbetur të fushatës. Ne besojmë në sportin si një forcë bashkuese në mbarë botën dhe do të vazhdojmë përpjekjet tona për të mbrojtur diversitetin dhe barazinë në çdo gjë që bëjmë.”
