Ish-presidenti i Shteteve të Bashkuara, Donald Trump, i rikthehet polemikave me një tjetër deklaratë të diskutueshme dhe këtë herë për kryeministrin kanadez Justin Trudeau.

Në librin e tij të ardhshëm, Save America, ish-presidenti amerikan Donald Trump këmbëngul se kryeministri kanadez Justin Trudeau mund të jetë djali i liderit komunist Fidel Castro.

“Justin Trudeau dhe unë shkuam shumë mirë, por kishte dallime të natyrshme në atë që ai është shumë Liberal, dhe unë, për ta thënë butë, nuk jam“, shkruan Trump në një fragment të marrë nga Daily Mail .

 “Nëna e tij ishte e bukur dhe e egër. Në vitet 1970, ajo do të shkonte në ‘klubbing’ me Rolling Stones, por ishte e lidhur disi edhe me Fidel Castron. Ajo tha se ai ishte ‘mashkulli më seksi që kam takuar ndonjëherë’ dhe shumë njerëz thonë se Justin është djali i tij”, shton më tej Trump.

Trump pranon se Trudeau është në dijeni të thashethemeve të kahershme, por shkruan: “ Ai betohet se nuk është, por si dreqin do ta dinte! Kastro kishte flokë të mirë, ‘babai’ jo, Justini ka flokë të mirë dhe është bërë komunist ashtu si Kastro“.

Në fillim të këtij muaji, në një intervistë me transmetuesin e lojërave video, Adin Ross, Trump nxori teorinë se Trudeau ishte djali i liderit të ndjerë revolucionar kuban.

“Ai është kthyer shumë liberal, në fakt ata thonë se është djali i Fidel Kastros dhe mund të jetë”, i tha Trump-Ross në një video që është parë më shumë se 2.5 milionë herë

Trump tha se ai dhe Trudeau shkuan ” shumë mirë”, por la të kuptohet se ai është i vetëdijshëm se Udhëheqësi Liberal po shkon drejt asgjësimit politik mes popullaritetit të tij në rënie mes kanadezëve.