Jannik Sinner shkruan një faqe tjetër në historinë e tenisit italian: numri 1 i botës fitoi US Open (tenisti i parë italian për meshkuj që e bën këtë), duke mposhtur në finale amerikanin Taylor Fritz në 3 sete (6-3, 6-4 dhe 7-5).

Ky është trofeu i dytë Grand Slam në karrierë për Sinner, pas suksesit në Australian Open në fillim të vitit. Sinner e pati ndeshjen gjithmonë në kontroll dhe fitoi turneun e madh amerikan duke përfituar edhe nga eliminimet e parakohshme të Carlos Alcaraz dhe Novak Djokovic, siç raporton A2.

Numri 1 i botës konfirmoi edhe ndaj Fritz qëndrueshmërinë e tij të madhe mendore dhe aftësinë për të fituar pikët më të rëndësishme, që është diferenca midis një kampioni dhe një lojtari të mirë.

Jannik realizon ëndrrën amerikane në këtë vit përrallor për të, ndërsa Shtetet e Bashkuara të Amerikës duhet të presin ende për trashëgimtarin e Andy Roddick, i fundit amerikan që fitoi në vendlindje në vitin 2003.