Sport
Sa vlen suksesi i Jannik Sinner në Australian Open?
Jannik Sinner fiton Australian Open dhe siguron Slam-in e parë në karrierën e tij. Tenisti italian mundi nr. 3, Daniil Medvedev, në pesë sete me rezultatin 3-6, 3-6, 6-4, 6-4, 6-3. Sinner arrin kështu një sukses të jashtëzakonshëm, duke qenë italiani i parë që arrin në raundin e fundit të Australian Open.
Sinner është tenisti i pestë italian që arrin një finale Slam në lojën individuale, i nënti në total mes burrave dhe grave. Ai i bashkohet Nicola Pietrangeli (i cili ka luajtur 4, më shumë se kushdo tjetër në historinë e tenisit italian), Francesca Schiavone (2), Matteo Berrettini, Giorgio de Stefani, Sara Errani, Adriano Panatta, Flavia Pennetta e Roberta Vinci (1).
Sinner, 22 vjeç, është finalisti më i ri në lojën individuale për meshkuj në Australian Open, pikërisht pas Djokovic, i cili luajti të parën nga dhjetë finalet në Melburn në vitin 2008, kur ish 20 vjeç.
Falë fitores, Sinner bëhet tenisti i pestë italian që fiton një Slam.
Çmimet nga një vit rekord
Natyrisht, paralelisht me sukseset në fushë, çmimet në karrierë kanë shënuar rritje në sezonet e fundit, duke marrë në konsideratë rezultatet e arritura (që ndikuan edhe në oraret televizive në 2023).
Fitorja në Australian Open i ka garantuar, për shembull, të ardhura 1.93 milionë euro, të cilat janë edhe fitimet e para në nivele çmimesh për vitin 2024, duke qenë se Australian Slam është turneu i parë zyrtar në të cilin ai mori pjesë.
Në lidhje me çmimet e fituara në karrierën e tij shumë të re, me suksesin në Australi, në total, çmimet arritën 17.7 milionë euro, nga të cilat 15.7 milionë deri në vitin 2023.
Më shumë se gjysmat i ka fituar vetëm në vitin 2023, duke regjistruar fitimet vjetore më të larta të arritura ndonjëherë nga një tenist italian, me çmime që arrijnë në 9.6 milionë euro për një vit. Në sukseset e tjera, ai arriti në gjysmëfinalen e Wimbledon dhe udhëhoqi Italinë drejt suksesit në Kupën e Davis.
Ky është fitimi rekord për një tenist italian në një sezon të vetëm.
Të ardhurat nga sponsorët
Nuk janë vetëm çmimet nga turnetë burim të ardhurash për një tenist. Këtu duhen marrë në konsideratë edhe sponsorët me të cilët tenisti ka marrëveshje.
Marrëveshja më fitimprurëse është ajo me Nike – që sipas të dhënave të La Gazzetta dello Sport – i garanton 15 milionë euro në vit.
Përveç sponsorit teknik, Sinner ka edhe 11 marrëveshje me po aq kompani.
Kontratat, ato më të njohura, janë nënshkruar me Head (furnizues raketash), Guçi, Lavazza, Rolex, Fastweb, Parmigiano Reggiano, Alfa Romeo, Technogym, Intesa Sanpaolo, Pigna dhe Panini. Të gjitha së bashku i garantojnë
Sinner të ardhura vjetore 5 milionë euro, të cilat, duke i shtuar edhe marrëveshjen me Nike, i çojnë në 20 milionë euro në vit të ardhurat nga sponsorët.
Vetëm në vitin 2023, Sinner fitoi 20 milionë euro nga sponsorët, dhe 9.6 milionë euro falë rezultateve në fushë, në total rreth 29.6 milionë euro.
