Mix
VIDEO/ Kate Middleton përfundon kimioterapinë, mesazhi prekës i saj
Princesha e Uellsit, Kate Middleton, ka njoftuar tashmë se ka kaluar sfidën e saj me kancerin, pasi ka përfunduar trajtimin me kimioterapinë.
Përmes një video-kartolinë, anëtarja e familjes mbretërore ka ndarë një mesazh prekës, në të cilën kuptohet e gjithë vuajtja e saj, por njëkohësisht dhe forca që e ka karakterizuar përgjatë kësaj sëmundje të rëndë.
Ajo u shpreh se “udhëtimi” me kancerin është kompleks dhe i frikshëm, por ky rrugëtim e ka bërë atë dhë Princin Uilliam të vlerësojnë gjërat e thjeshta në jetë, të cilat janë e më të rëndësishme, pasi shpesh herë i marrim si të mirëqena.
Princesha ka ndarë mesazhin se dashuria e përkujdesja duhet të jenë virtyte të njerëzimit. Ajo shton se mezi pret rikthimin e saj në krye të detyrave që ka lënë në gjysmë.
Kate Middleton tha se do të jetë përkrahë të gjithë atyre që po vazhdojnë rrugëtimin e tyre të kancerit.
“Nga errësira mund të dalë drita, kështu që ajo dritë le të shkëlqejë”, – e përmbyll ajo mesazhin e saj
Mesazhi i plotë:
“Ndërsa vera po mbaron, nuk mund t’ju them se çfarë lehtësimi është që përfundimisht kam përfunduar trajtimin tim të kimioterapisë. Nëntë muajt e fundit kanë qenë tepër të vështirë për ne si familje. Jeta siç e dini mund të ndryshojë në një çast dhe na është dashur të gjejmë një mënyrë për të lundruar në ujërat e stuhishme dhe rrugën e panjohur. “Udhëtimi” me kancerin është kompleks, i frikshëm dhe i paparashikueshëm për të gjithë, veçanërisht për ata që janë më afër jush.
Me përulësi, ajo gjithashtu ju sjell ballë për ballë me dobësitë tuaja në një mënyrë që nuk e keni konsideruar kurrë më parë, dhe me këtë, një perspektivë të re për gjithçka. Kjo kohë mbi të gjitha na ka kujtuar Uilliam-it dhe mua që të reflektojmë dhe të jemi mirënjohës për gjërat e thjeshta por të rëndësishme në jetë, të cilat shumë prej nesh shpesh i marrin si të mirëqena.
Thjesht duke dashur dhe dashuruar. Të bëj atë që mundem për të qëndruar pa kancer, tani është fokusi im. Edhe pse kam mbaruar kimioterapinë, rruga ime drejt shërimit të plotë është e gjatë dhe duhet të vazhdoj çdo ditë. Megjithatë mezi pres të rikthehem në punë dhe të ndërmarr disa angazhime të tjera publike në muajt e ardhshëm kur të mundem. Pavarësisht gjithë asaj që ka kaluar më parë, unë hyj në këtë fazë të re të rimëkëmbjes me një ndjenjë të rinovuar shprese dhe vlerësimi për jetën.
Ëilliam dhe unë jemi shumë mirënjohës për mbështetjen që kemi marrë dhe kemi marrë forcë të madhe nga të gjithë ata që po na ndihmojnë në këtë kohë. Mirëdashja, ndjeshmëria dhe dhembshuria e të gjithëve kanë qenë vërtet përulëse. Për të gjithë ata që po vazhdojnë rrugëtimin e tyre të kancerit, unë do të jem me ju krah për krah. Nga errësira mund të dalë drita, kështu që ajo dritë le të shkëlqejë”, është shprehur Kate në mesazhin e saj.
