Gjumi është shumë i rëndësishëm për shëndetin tonë. Nëse flini më pak se shtatë orë çdo natë, mund të vëreni efekte të ndryshme negative në trupin dhe mendjen tuaj.

Më poshtë kemi listuar disa nga pasojat që vijnë nga mungesa e gjumit:

Aftësia e mendimit zvogëlohet

Kur nuk flini mjaftueshëm, aftësia juaj për të menduar shpejt dhe për t’u marrë me problemet zvogëlohet. Hulumtimet kanë treguar se pas dy netëve të njëpasnjëshme pa gjumë adekuat, reagimet tona bëhen më të ngadalta dhe kemi më shumë vështirësi në përshtatjen me situatat e reja.

Filloni të harroni gjërat

Gjumi është thelbësor për përmirësimin dhe ruajtjen e kujtesës. Studimet kanë lidhur gjumin e pamjaftueshëm me një rrezik në rritje për dëmtim njohës dhe Alzheimer. Përveç kësaj, kujtesa afatshkurtër ndikohet drejtpërdrejt, pasi gjatë gjumit kujtimet forcohen dhe konsolidohen.

Ankth dhe trishtim

Kur jeni të lodhur, keni më shumë gjasa të ndiheni të stresuar ose të trishtuar. Mungesa kronike e gjumit mund të kontribuojë në zhvillimin e depresionit, pasi gjumi është thelbësor për mirëqenien emocionale.

Sistemi juaj imunitar dobësohet

Mungesa e gjumit ju bën më të prekshëm ndaj sëmundjeve. Studimet kanë treguar se kur  nuk flini mjaftueshëm, keni pothuajse tre herë më shumë gjasa për t’u ftohur. Gjithashtu, gjumi adekuat ndihmon në forcimin e sistemit imunitar, duke lehtësuar prodhimin e antitrupave që luftojnë infeksionet.