Sipas studimeve, femrat vuajnë më shumë nga mungesa e gjumit në krahasim me meshkujt. Orët mesatare të gjumit të femrave janë të ulëta dhe variojnë rreth 6.5 orë.

Por cilat janë arsyet që i bëjnë gratë të vuajnë nga mungesa e gjumit?

Arsyet hormonale

Hormonet dhe luhatjet e tyre që karakterizojnë gjininë femërore janë një nga shkaqet kryesore.

Faza të caktuara të jetës së një gruaje si klimakteria, periudha pas menopauzës si dhe periudha pas lindjes shoqërohen me luhatje hormonale që krijojnë çrregullime të gjumit.

Për më tepër, 25% deri në 33% e grave përjetojnë probleme me gjumin në ditët para menstruacioneve.

Arsyet që lidhen me rolin e nënës

Tek femrat, për shkak të rolit të nënës që u ka dhënë natyra, truri ka një nivel më të lartë vigjilence dhe gatishmërie gjatë gjumit.

Ky fakt i lejon ata të zgjohen më lehtë dhe më shpejt, kur edhe gjëra të vogla ndodhin gjatë gjumit. Kur një fëmijë kollitet ose qan ose ngrihet nga shtrati natën dhe ecën, gratë zgjohen më lehtë për t’u marrë me problemin ose një rrezik të mundshëm.

Truri i grave është më i ndjeshëm ndaj stimujve të ndryshëm gjatë gjumit, ato priren të zgjohen më menjëherë dhe kështu kanë një shans më të madh për të përjetuar një mungesë më të madhe gjumi me kalimin e kohës.

Arsyet profesionale

Përkundër faktit se gratë kanë një pjesëmarrje të vazhdueshme dhe në rritje në arenën profesionale, ato megjithatë ruajnë pa pakësuar rolin e tyre si nëna dhe si mbështetja kryesore e familjes.

Detyrat e reja serioze dhe të mundimshme që kanë marrë në karrierën e tyre profesionale nuk kanë si masë kompensuese më pak detyrime në shtëpi, ndaj fëmijëve apo ndaj bashkëshortit.

Rritja e roleve të grave i krijon asaj një kosto serioze me pasoja ndonjëherë të mëdha. Shumë shpesh një nga efektet e kësaj mbingarkese është humbja e orëve të gjumit. Për të qenë në gjendje të përmbushin të gjitha detyrimet e tyre, gratë përfundimisht detyrohen të vjedhin orë nga gjumi e tyre.

Përveç arsyeve të mësipërme, duhet të shtojmë se gratë janë më të ndjeshme ndaj dhimbjeve të muskujve dhe depresionit dhe këta janë faktorë që kontribuojnë në mungesën e gjumit.