Aktivistja Evi Kokalari dhe kreu i PD Sali Berisha

Aktivistja Evi Kokalari ka reaguar sërish pas deklaratave të bëra një ditë më parë nga ish-kryeministri Sali Berisha, i cili u shpreh se Unioni Ndërkombëtar i Demokracisë kërkon qeveri teknike për zgjedhjet në Shqipëri, si dhe ka dënuar burgosjen politike të eksponentëve të opozitës.

Përmes një postimi në llogarinë e saj në “Facebook”, Kokalari ka ritheksuar për të disatën herë tanimë se Sali Berisha nuk gëzon mbështetjen e Donald Trump dhe të mos mbajë shpresat te presidenti i zgjedhur i Shteteve të Bashkuara të Amerikës, pasi ashtu si dhe aktivistja e thekson lideri i demokratëve nuk ka asgjë të përbashkët me të djathtët dhe konservatorët e vërtetë.

“Nuk po i futem me debatit qe ju s’keni asgje te perbashket me te djathtet dhe konservatoret e vertet. Lereni me kaq dhe boll u munduat ta beni partine e Donald Trump si mbeshtetes tuajin sepse nuk eshte. Donald Trump eshte legjende. Ju, JO!”, shkruan Kokalari ndër të tjera.

Në vijim të postimit të saj Kokalari ka postuar dhe rezolutën e Unionit Ndërkombëtar të Demokracisë për të cilën thotë se është një rezolutë e paraqitur nga vetë Partia Demokratike, mirëpo askush nga IDU nuk e ka firmosur.

“Kjo eshte rezoluta, e paraqitur nga PDja vete, dhe IDU ka pranuar ta vere ne letterhead e saj, por askush se ka firmosur. Idiotlliqe e ketyre njerezeve s’kane fillim e as mbarim. Partia Republikane e amerikes, s’ka asnje lidhje me kete dokument. Boll genjyet shqiptaret duke pretenduar se keni mbeshtetjen ketu. Ate mbeshtjetje s’do ta keni kurre, sepse ju jeni po aq te korruptuar as Rama”, shkruan Kokalari ndër të tjera.

“Sali Berisha, Partia Republikane e Presidentit Trump nuk ka firmosur asgje per rezolutat tuaja. Ju lutem, mos e zini me ne goje Donald Trump sepse jeni larg shume prej tij, dhe partise se tij.

Ndryshe, me dergoni cfare ka ‘firmosur’ partia republikane per juve. Boll dergoni degjenerata neper konferencat ketu tek ne dhe pretendoni se po bashkepunoni me Republikanet.

Personat qe nis ti ne delegacion jane njerez te korruptuar qe kane vjedhur votat e vete demokrateve. Ne Ëashington DC erdhen per konferencen e IDUs, qe marrin pjese shume parti te djathta. Ardhja e tyre ne DC nuk do te thote qe DC eshte tashme me ju.

Nuk po i futem me debatit qe ju s’keni asgje te perbashket me te djathtet dhe konservatoret e vertet. Lereni me kaq dhe boll u munduat ta beni partine e Donald Trump si mbeshtetes tuajin sepse nuk eshte. Donald Trump eshte legjende. Ju, JO!”, shkruan Kokalari (POSTIMI I PLOTË).

Ditën e djeshme, Sali Berisha tha se rezoluta e Unionit Ndërkombëtar të Demokracisë kërkon qeveri teknike për zgjedhjet në Shqipëri, si dhe burgosjen politike ndaj eksponentëve të opozitës.

“Unioni Ndërkombëtar i Demokracisë IDU, pasi dënon të gjitha këto akte, këto shfaqje, dënon burgosjen, proceset politike, ndaj liderëve dhe eksponentëve të opozitës, Sali Berishës, Ilir Metës, Fatmir Mediu, Ervin Salianjit, Fredi Belerit, kërkon që drejtësia të jetë e pavarur, se një drejtësi e kontrolluar tërësisht nga PS-ja, është një drejtësi e papranueshme në standardet ndërkombëtare.
Përveç këtyre, ky Union kërkon që në Shqipëri të krijohet një qeveri kujdestare, për një proces zgjedhor, të lirë dhe të ndërshëm.

Të dashur miq!Në një hark kohor të shkurtër, më pak se 1 muaj, komuniteti ndërkombëtar i ka dhënë një mbështetje të jashtëzakonshme PD-së dhe opozitës.Diplomacia e PD-së dhe opozitës shqiptare është dëshmuar, si diplomacia më e suksesshme në historinë e opozitarizmit në Shqipëri. Kurrë ndonjëherë nuk kanë ndjekur njëra pas tjetrës, tre rezoluta të cilat bëjnë autopsinë e regjimit të Edi Ramës, para të gjithë botës. Dua të shpreh mirënjohje të thellë, ndaj miqve tanë, për reagimin e tyre të fuqishëm, kundër narkodiktaturës së Edi Ramës”, tha Berisha ndër të tjera.