Një paqe e afërt për Ukrainën do të përfshijë ndryshimin e kufinjve të kësaj të fundit, të paktën duke i njohur Rusisë përfundimisht Krimenë të paktën. Kështu është shpreur sekretari amerikan i Mbrojtjes, Pete Hegseth sipas të cilit “është jojorealiste të flasësh që Ukraina të rikthehet në kufinjtë e para 2014-s”.

Duke folur në një samit për mbrojtjen në Bruksel, Hegseth ka hedhur poshtë opsionin e anëtarësimit të Ukrainës në NATO, apo dislokimin e trupave amerikane në këtë vend dhe ka bërë thirrje për shtim të shpenzimeve të mbrojtjes.

Gjërat duket se kanë lëvizur në nivelin më të lartë. Agjencia TASS raporton për një bisedë telefonike mes presidenti Putin dhe Trump e cila sipas zëdhënësit të Kremlinit, Dmitry Peskov, “ishtë shumë e gjatë”.

Ai nuk ka zbuluar hollësi nga takimi, por nisur nga mesazhet e herëpashershme që janë bërë publike kuptohet se presidenti amerikan është në kërkim të një suksesi në Ukrainë dhe Lindjen e Mesme, të cilat ai i promovon si pjesë të diplomacisë për paqe.