Presidenti Donald Trump tha në një postim në mediat sociale të dielën se Dan Bongino, një drejtues konservator i një talk shoë, do jetë zëvendësdrejtor i FBI-së.

Bongino do t’i bashkohet Kash Patel, i cili së fundmi u konfirmua nga Senati. Trump tha se Bongino u emërua për këtë rol nga Patel. Pozicioni nuk kërkon konfirmim nga Senati, shkruan Reuters.

“Lajm i mirë për Zbatimin e Ligjit dhe Drejtësinë Amerikane!” postoi Trump në rrjetin e tij të mediave sociale, Truth Social, duke e quajtur Bongino “një njeri me dashuri dhe pasion të jashtëzakonshëm për vendin tonë”.

Bongino ishte më parë një punonjës i policisë së qytetit të Nju Jorkut dhe një anëtar i Shërbimit Sekret të SHBA. Ai kohët e fundit ishte i njohur si një prezantues konservator radioje dhe podkaster.

Trump tha në postimin e tij se Bongino është “i përgatitur të heqë dorë” nga programi i tij ndërsa hyn në rolin e ri. “The Dan Bongino Shoë” ishte së fundmi podkasti i 56-të i renditur në Shtetet e Bashkuara, sipas Spotify.