Nora Gega dhe Blendi Klosi, deputet i PS-së dhe koordinatori Politik i Qarkut të Dibrës, kanë vendosur t’i japin fund martesës së tyre edhe ligjërisht.

Çifti kishte shumë kohë që nuk jetonin bashkë, por zyrtarisht rezultonin të martuar. Tanimë edhe ‘de jure’ mes tyre ka marrë fund.

Kërkesa për divorc është depozituar në gjykatë në muajin Tetor 2024 nga Nora Klosi, bashkëshortja e Blendit, Divorc i cili është pranuar dhe nga gjykata e Tiranës.

Vendimi për divorcin e çiftit është marrë një ditë para Shën Valentinit, në 13 shkurt 2025 nga gjyqtari Artan Çupi, i cili ka miratuar një deklaratë noteriale të çiftit Klosi, ku burrë e grua jepnin pëlqimin për dhënien fund të martesës së tyre.

Në vitin 2007, Blendi Klosi u martua me Nora Klosin alias Gega, ku nga kjo martesë sollën në jetë dy fëmijë.

Sipas vendimit të Gjykatës së Tiranë në muajin Tetor 2024 çifti Klosi kishte nënshkruar një marrëveshje noteriale, ku binin dakord të divorcoheshin, por njëkohësisht vendosnin dhe kriteret detyruese për fëmijët e tyre të mitur.